തിരുവനന്തപുരം: മുഖ്യമന്ത്രി പിണറായി വിജയന് വീണ്ടും വധഭീഷണി. പോലീസ് കൺട്രോൾ റൂം നമ്പറിൽ വിളിച്ചായിരുന്നു ഭീഷണി. തിരുവനന്തപുരം നരുവാമൂട് സ്വദേശിയാണ് വധഭീഷണി മുഴക്കിയത്. നരുവാമൂട് പോലീസാണ് പിടികൂടിയത്. പ്രതി മാനസികാസ്വാസ്ഥ്യമുള്ളയാളെന്ന് പോലീസ് പറഞ്ഞു.
ആഴ്ചകൾക്ക് മുൻപും മുഖ്യമന്ത്രിക്ക് നേരെ വധഭീഷണി ഉയർന്നിരുന്നു. നവംബർ ഒന്നിനായിരുന്നു വധഭീഷണി. വഴുതക്കാട്ടെ പോലീസ് ആസ്ഥാനത്തെ കൺട്രോൾ റൂമിലേക്കാണ് ഭീഷണി ഫോൺ വിളി എത്തിയത്. സംഭവത്തിൽ മ്യൂസിയം പോലീസ് കേസെടുത്ത് അന്വേഷണം നടത്തി. സ്‌കൂൾ വിദ്യാർഥിയാണ് മുഖ്യമന്ത്രിയ്‌ക്കെതിരെ വധഭീഷണി മുഴക്കിയതെന്ന് അന്വേഷണത്തിൽ വ്യക്തമായി.എറണാകുളം സ്വദേശിയായ പന്ത്രണ്ടുവയസുകാരനാണ് മുഖ്യമന്ത്രിയെ വധിക്കുമെന്ന് ഭീഷണിപ്പെടുത്തി പോലീസ് ആസ്ഥാനത്തേക്ക് വിളിച്ചത്
Discussion about this post