പട്‌നം; ബീഹാറിൽ മൂന്ന് വയസുകാരിയെ തട്ടിക്കൊണ്ടുപോയി പീഡിപ്പിച്ച് കൊലപ്പെടുത്തിയ സംഭവത്തിൽ യുവാവ് അറസ്റ്റിൽ. മുസഫർപൂരിലാണ് സംഭവം. മാതാപിതാക്കൾക്കൊപ്പം ഉറങ്ങിക്കിടക്കുകയായിരുന്ന കുഞ്ഞിനെ തട്ടിക്കൊണ്ടുപോയി പീഡിപ്പിച്ച ശേഷം കൊലപ്പെടുത്തുകയായിരുന്നു. സംഭവത്തിൽ ഇരുപതുകാരനായ ലാൽ ബാബു എന്നയാൾ പിടിയിലായി.
ഈ കഴിഞ്ഞ വെള്ളിയാഴ്ച മാതാപിതാക്കൾക്കൊപ്പം ബന്ധുവിന്റെ വീട്ടിൽ പോയതായിരുന്നു കുഞ്ഞ്. വൈകുന്നേരം കളിക്കാനെന്ന് പറഞ്ഞ് കുഞ്ഞിനെ കൊണ്ടുപോയ പ്രതി പിന്നീട് തിരികെ എത്തിച്ചു. തുടർന്ന് രാത്രി 10 മണിയോടെ ഉറങ്ങിക്കിടക്കുന്ന കുഞ്ഞിനെ ഇയാൾ തട്ടിക്കൊണ്ടുപോവുകയായിരുന്നു. കുഞ്ഞിനെ കാണാതായതോടെ ബന്ധുക്കൾ പോലീസിൽ പരാതി നൽകി.
പോലീസ് നടത്തിയ തിരച്ചിലിൽ ബന്ധു വീട്ടിൽ നിന്നും 200 മീറ്റർ അകലെ കൃഷിയിടത്തിൽ കുഴിച്ചിട്ട നിലയിൽ മൃതദേഹം കണ്ടെത്തി. സംഭവത്തിൽ പോലീസ് അന്വേഷണം തുടരുകയാണ്.
