ബംഗളൂരു: തെലങ്കാന തിരഞ്ഞെടുപ്പുമായി ബന്ധപ്പെട്ടുള്ള പെരുമാറ്റചട്ടം ലംഘിച്ചതിന് കർണാടക സർക്കാരിന് തിരഞ്ഞെടുപ്പ് കമ്മീഷന്റെ നോട്ടീസ്. തെലങ്കാന സർക്കാരിന്റെ നേട്ടങ്ങളും പദ്ധതികളും സംബന്ധിച്ച് പത്രങ്ങളിൽ പരസ്യം നൽകിയ സംഭവത്തിലാണ് നടപടി. ഈ മാസം 25നായിരുന്നു സർക്കാർ പത്രങ്ങളിൽ പരസ്യം നൽകിയത്.
തെലങ്കാന ഒഴികെയുള്ള സംസ്ഥാനങ്ങളിൽ പ്രസിദ്ധീകരിക്കുന്ന പ്രമുഖ പത്രങ്ങളിൽ ആയിരുന്നു സർക്കാർ പരസ്യം നൽകിയത്. ഇത് ബിജെപി തിരഞ്ഞെടുപ്പ് കമ്മീഷന്റെ ശ്രദ്ധയിൽപ്പെടുത്തുകയായിരുന്നു. സംഭവം പരിശോധിച്ച കമ്മീഷൻ സർക്കാർ പെരുമാറ്റചട്ടം ലംഘിച്ചതായി നിരീക്ഷിച്ചു. ഇതേ തുടർന്നാണ് സർക്കാരിന് നോട്ടീസ് നൽകിയത്.
തിരഞ്ഞെടുപ്പ് നടക്കാത്ത സംസ്ഥാനങ്ങളിൽ തെലങ്കാന തിരഞ്ഞെടുപ്പുമായി ബന്ധപ്പെട്ട് നൽകിയ പരസ്യം പെരുമാറ്റചട്ടത്തിന്റെ ലംഘനമാണെന്ന് കണ്ടെത്തിയതായി കമ്മീഷൻ നൽകിയ നോട്ടീസിൽ വ്യക്തമാക്കുന്നു. ഇത്തരം പരസ്യങ്ങൾ പ്രസിദ്ധീകരിക്കുന്നതിന് മുന്നോടിയായി കമ്മീഷൻ പരിശോധിക്കേണ്ടതാണ്. എന്നാൽ കമ്മീഷന്റെ അറിവോ സമ്മതമോ ഇക്കാര്യത്തിൽ ഇല്ല. പരസ്യം നൽകുന്നതുമായി ബന്ധപ്പെട്ട് സർക്കാർ അപേക്ഷ പോലും സമർപ്പിച്ചിട്ടില്ലെന്നും കമ്മീഷൻ വ്യക്തമാക്കി.
Discussion about this post