തിരുവനന്തപുരം: സംസ്ഥാനത്ത് സ്വർണവില സർവ്വകാല റെക്കോർഡിൽ. പവന് വില 46,000 കടന്നു. നിലവിൽ സ്വർണം പവന് 46,480 രൂപ എന്ന നിരക്കിലാണ് വ്യാപാരം പുരോഗമിക്കുന്നത്.
ഇന്ന് സ്വർണവില ഉയർന്നിരുന്നു. ഇതോടെയാണ് വില റെക്കോർഡ് ഭേദിച്ചത്. പവന് 600 രൂപയാണ് ഇന്നത്തെ വില വർദ്ധനവ്. സ്വർണം ഗ്രാമിന് 75 രൂപയുടെ ഉയർച്ചയുണ്ടായി. ഇതോടെ ഒരു ഗ്രാം സ്വർണത്തിന് 5810 രൂപയായി. ഇന്നലെ സ്വർണവില മാറ്റമില്ലാതെ തുടർന്നിരുന്നു. ഇതിന് പിന്നാലെയാണ് ഇന്നത്തെ വർദ്ധനവ്. ഈ മാസം സ്വർണവിലയിൽ തുടർച്ചയായ വില വർദ്ധനവാണ് ഉണ്ടായിട്ടുള്ളത്.
അന്താരാഷ്ട്ര സ്വർണ്ണവില ട്രോയ് ഔൺസിന് 2045 ഡോളറും, ഇന്ത്യൻ രൂപയുടെ വിനിമയ നിരക്ക് 83.29 ലുമാണ്. ഒരു ഗ്രാം 18 കാരറ്റ് സ്വർണത്തിന്റെ വില 4820 രൂപയുമാണ്. വെള്ളിയുടെ വിലയിൽ മാറ്റമില്ല. ഒരു ഗ്രാം സാധാരണ വെള്ളിയുടെ വില 82 രൂപയാണ്. ഒരു ഗ്രാം ഹാൾമാർക്ക് വെള്ളിയുടെ വിപണി വില 103 രൂപയാണ്.
Discussion about this post