ന്യൂഡല്ഹി: ഇന്ത്യയുടെ ആദ്യ സൗരദൗത്യമായ ആദിത്യ എല്-1 പേടകം പേലോഡുകള് പ്രവര്ത്തനം ആരംഭിച്ചതായി ഇസ്രോ(ഐഎസ്ആര്ഒ). സോളാര് വിന്ഡ് ആയോണ് സ്പെക്ട്രോമീറ്റര് (SWIS), ആദിത്യ സോളാര് വിന്ഡ് പാര്ട്ടിക്കിള് എക്സ്പിരിമെന്റ് (ASPEX) എന്നിവയാണ് പ്രവര്ത്തനക്ഷമമായത്.
സൂര്യനെ കുറിച്ചുള്ള കൂടുതല് പഠനങ്ങള് നടത്തുന്നതിന് വേണ്ടിയാണ് ഈ ദൗത്യം. ഏഴ് പേലോഡ്സ് ആണ് ആദിത്യ എല് 1ല് ഉള്പ്പെട്ടിട്ടുള്ളത്. ഇതില് നാലെണ്ണം സൂര്യനില് നിന്നുള്ള പ്രകാശത്തെ നിരീക്ഷിക്കും.രാജ്യത്തെ വിവിധ ലബോട്ടറികളിലാണ് പോലോഡറുകള് വികസിപ്പിച്ചെടുത്തത്. ചന്ദ്രയാന്-3 വിജയകരമായ ദൗത്യം ആയിരുന്നു.അതിനുശേഷം സെപ്റ്റംബര് രണ്ടിനാണ് ശ്രീഹരിക്കോട്ടയിലെ സതീഷ് ധവാന് സ്പേസ് സെന്ററില് നിന്നും ഐഎസ്ആര്ഒ രാജ്യത്തിന്റെ ആദ്യ സൗര ദൗത്യമായ ആദിത്യ എല്1 വിക്ഷേപിച്ചത്. 360 ഡിഗ്രിയില് വിവരങ്ങള് ശേഖരിക്കുന്ന രണ്ട് സെന്സറുകളാണ് സ്വിസ്സിലുള്ളത്. ഒന്ന് മറ്റൊന്നിന് ലംബമായുള്ള രണ്ട് സര്ഫസിലായാണ് ഇത് പ്രവര്ത്തിക്കുന്നത്. പ്രധാനമായും പ്രോട്ടോണുകളെയും ആല്ഫാ പാര്ട്ടിക്കിളുകളെയും കുറിച്ചാണ് സ്വിസ് പഠിക്കുന്നത്. ഉപകരണം കണ്ടെത്തിയ വിവരങ്ങള് ആഴത്തില് വിശകലം ചെയ്യുന്നതോടെ സൗരവാതത്തെ കുറിച്ചും അത് ഭൂമിയെ എങ്ങനെ ബാധിക്കുമെന്നതിനെ കുറിച്ചുമെല്ലാം കൂടുതലായി അറിയാന് കഴിയുമെന്നാണ് ഇസ്രോയുടെ പ്രതീക്ഷ.
ഭൂമിയില് നിന്ന് അമ്പതിനായിരം കിലോമീറ്റര് അകലെ ബഹിരാകാശത്തുള്ള സുപ്രാതെര്മല് എനര്ജറ്റിക് അയോണുകള്, ഇലക്ട്രോണുകള് എന്നിവയെ കുറിച്ചാണ് പേലോഡ് പഠിക്കുന്നത്.ഭൂമിക്ക് ചുറ്റുമുള്ള കണങ്ങളുടെ സ്വഭാവം വിശകലനം ചെയ്യാന് ഈ വിവരം ശാസ്ത്രജ്ഞരെ സഹായിക്കുമെന്നും ഐഎസ്ആര്ഒ വ്യക്തമാക്കിയിരുന്നു. ആദിത്യ-എല്1 ബഹിരാകാശ പേടകം ജനുവരി പകുതിയോടെ ലഗ്രാഞ്ച് പേയിന്റ് 1 ല് (എല് 1) എത്തുമെന്ന് ഐഎസ്ആര്ഒ മേധാവി എസ് സോമനാഥ് നേരത്തെ അറിയിച്ചിരുന്നു.
Discussion about this post