എറണാകുളം: ആഭരണ പ്രേമികളെ ഞെട്ടിച്ച് സ്വര്‍ണ വിലയില്‍ വര്‍ദ്ധനവ്. പവന് 600 രൂപയാണ് വര്‍ദ്ധിച്ചത്. ഇതോടെ സ്വര്‍ണവില വീണ്ടും 46,000 കടന്നു. 46,760 രൂപയാണ് ഒരു പവന് സ്വര്‍ണത്തിന്റെ വില.
ഇതോടെ ഒരു ഗ്രാം സ്വര്‍ണത്തിന് 5540 രൂപയായി . ഈ മാസത്തെ ഏറ്റവും ഉയര്‍ന്ന നിരക്കാണ് ഇന്ന് രേഖപ്പെടുത്തിയിട്ടുള്ളത്. ഇന്നലെ പവന് 160 രൂപ വര്‍ദ്ധിച്ച് വിപണിയില്‍ 46,160 രൂപയായിരുന്നു.
ഇസ്രായേല്‍ ഹമാസ് സംഘര്‍ഷത്തിന്റെ പശ്ചാത്തലത്തില്‍ ആഗോള തലത്തില്‍ സ്വര്‍ണവില ഉയരുന്നുണ്ട്. ഇതാണ് കേരളത്തിലെ സ്വര്‍ണ വിപണിയില്‍ പ്രതിഫലിക്കുന്നത്. യുദ്ധത്തിന്റെ സാഹചര്യത്തില്‍ സുരക്ഷിത നിക്ഷേപം എന്ന നിലയില്‍ സ്വര്‍ണത്തിന് ആവശ്യം ഉയരുന്നുണ്ട്. ചൈനയില്‍ പുതിയ വൈറസ് പടര്‍ന്നുവെന്നുമുള്ള വാര്‍ത്തയും സ്വര്‍ണ്ണവില കുതിക്കുന്നതിന് കാരണമായി. വന്‍കിട നിക്ഷേപകര്‍ അവരുടെ നിക്ഷേപങ്ങള്‍ വിറ്റഴിക്കാതെ തുടരുന്നതാണ് വന്‍ കുതിപ്പിന് കാരണം .ഇതാണ് വിലവര്‍ദ്ധനവിലേക്ക് നയിക്കുന്നത്. കഴിഞ്ഞ ദിവസങ്ങളിലെല്ലാം തന്നെ സ്വര്‍ണവില ഉയര്‍ന്നിരുന്നു. വരും ദിവസങ്ങളിലും വില വര്‍ദ്ധനവ് തുടരുമെന്നാണ് വിവരം.
Discussion about this post