തൃശൂർ: നവകേരള സദസിന്റെ പരിപാടി നടക്കുന്നതിനിടെ അവതാരകയെ തിരുത്തി മുഖ്യമന്ത്രി പിണറായി വിജയൻ. മുഖ്യ മന്ത്രിയെ കൈയടിച്ച് സ്വീകരിക്കണമെന്നായിരുന്നു അവതാരക മൈക്കിലൂടെ വേദിയോടാവശ്യപ്പെട്ടത്. എന്നാൽ അവതാരകയെ മുഖ്യമന്ത്രി തിരുത്തി. അവതാരക പറഞ്ഞ് കൈയ്യടിപ്പിക്കേണ്ടെന്ന് മുഖ്യമന്ത്രി പറഞ്ഞു. തൃശൂരിലാണ് സംഭവം നടന്നത്.
അതിനിടെ നവ കേരള സദസ്സ് നടക്കുന്നതിനിടയിൽ മുഖ്യമന്ത്രിയ്ക്ക് സമീപത്തേക്ക് ചെല്ലാൻ ശ്രമിച്ചയാളെ കസ്റ്റഡിയിലെടുത്ത് പോലീസ്. വടക്കാഞ്ചേരി മണ്ഡലത്തിൽ നവ കേരള സദസ്സ് നടക്കുമ്പോൾ ആയിരുന്നു സംഭവം നടന്നത്. പരാതി പറയാനായി മുഖ്യമന്ത്രിക്ക് അടുത്തേക്ക് ചെല്ലാൻ ശ്രമിച്ച യുവാവിനെയാണ് പോലീസ് കസ്റ്റഡിയിൽ എടുത്തത്.
ആര്യമ്പാട് സ്വദേശി റഫീഖ് ആണ് പിടിയിലായത്. മുഖ്യമന്തി പ്രസംഗം അവസാനിപ്പിച്ചതിനു പിന്നാലെയായിരുന്നു സംഭവം. യുവാവ് സ്റ്റേജിലേക്ക് ഓടിക്കയറാൻ ശ്രമിക്കുകയായിരുന്നു. ഉടൻ തന്നെ പൊലീസ് ഇയാളെ തടഞ്ഞു സ്ഥലത്തു നിന്നും നീക്കി. പിന്നീട് കസ്റ്റഡിയിലെടുത്തു. നേരത്തെ മുഖ്യമന്ത്രിയുടെ ഓഫീസിലേക്ക് പരാതി നൽകിയിരുന്നെങ്കിലും പരിഹാരമായില്ലെന്ന് പറഞ്ഞാണ് യുവാവ് സ്റ്റേജിലേക്ക് കയറാൻ ശ്രമിച്ചതെന്നാണ് പറയുന്നത്.
Discussion about this post