ന്യൂഡൽഹി : യുഎസ് ഇന്റലിജൻസ് ആൻഡ് സെക്യൂരിറ്റി ഏജൻസിയായ ഫെഡറൽ ബ്യൂറോ ഓഫ് ഇൻവെസ്റ്റിഗേഷന്റെ (എഫ്ബിഐ) ഡയറക്ടർ ക്രിസ്റ്റഫർ എ. റേ അടുത്ത ആഴ്ച ഇന്ത്യ സന്ദർശിക്കും. ഡിസംബർ 11, 12 തീയതികളിൽ റേ ഇന്ത്യ സന്ദർശിക്കും. 12 വർഷത്തിന് ശേഷം ഇതാദ്യമായാണ് എഫ്ബിഐ മേധാവി ഇന്ത്യ സന്ദർശിക്കുന്നത്.
2017ൽ എഫ്ബിഐയുടെ ഡയറക്ടറായ ശേഷം ക്രിസ്റ്റഫർ എ. റേയുടെ ആദ്യ ഇന്ത്യാ സന്ദർശനമാണിത്. 12 വർഷത്തിന് ശേഷം ഇതാദ്യമായാണ് ഒരു എഫ്ബിഐ മേധാവി ഇന്ത്യ സന്ദർശിക്കുന്നത്. ദേശീയ അന്വേഷണ ഏജൻസി (എൻഐഎ) മേധാവി ദിനകർ ഗുപ്തയുമായി ക്രിസ്റ്റഫർ റേ കൂടിക്കാഴ്ച നടത്തും.
എഫ്ബിഐ മേധാവിയുടെ ഇന്ത്യാ സന്ദർശനം ഇന്ത്യയിലെ യുഎസ് അംബാസഡർ എറിക് ഗാർസെറ്റി സ്ഥിരീകരിച്ചു. അടുത്തിടെ, ഒരു പരിപാടിയിൽ, യുഎസ്-ഇന്ത്യ ബന്ധത്തിന്റെ ശക്തിയെക്കുറിച്ചും ബൈഡൻ ഭരണകൂടത്തിലെ ഉന്നത ഉദ്യോഗസ്ഥരുടെ ന്യൂഡൽഹി സന്ദർശനത്തെക്കുറിച്ചും ഗാർസെറ്റി വ്യക്തമാക്കിയിരുന്നു.
