ഡെറാഡൂൺ: അ‌ന്തരിച്ച മുൻ ക്യാബിനറ്റ് മന്ത്രിയും മുതിർന്ന ബിജെപി നേതാവുമായ മോഹൻ സിംഗ് റാവത്തിന് അ‌ന്ത്യാജ്ഞലിയർപ്പിച്ച് മുഖ്യമന്ത്രി പുഷ്കർ സിംഗ് ധാമി. ഡെറാഡൂണിലെ ബിജെപി ഓഫീസിലെത്തിയ മുഖ്യമന്ത്രി അദ്ദേഹത്തിന്റെ മൃതദേഹത്തിൽ പുഷ്പാർച്ചന നടത്തി.
മോഹൻ സിംഗ് റാവത്തിന്റെ വിയോഗം ബിജെപിയുടെ കുടുംബത്തിന് നികത്താനാവാത്ത നഷ്ടമാണെന്ന് മുഖ്യമന്ത്രി പറഞ്ഞു. അദ്ദേഹത്തിന്റെ ആത്മാവിന് നിത്യശാന്തി നേരുന്നു. അദ്ദേഹത്തിന്റെ വിയോഗം സൃഷ്ടിച്ച വേദന കഠിനമാണ്. ദു;ഖത്തിൽ കുടുംബത്തിനൊപ്പം പങ്കുചേരുന്നുവെന്നും അദ്ദേഹം പ്രതികരിച്ചു.
ഉത്തരാഖണ്ഡിലെ മുൻ ക്യാബിനറ്റ് മന്ത്രിയും മുതിർന്ന ബിജെപി നേതാവുമായ മോഹൻ സിംഗ് റാവത്ത് ‘ഗോൺവാസി’ ജിയുടെ വിയോഗ വാർത്ത അങ്ങേയറ്റം ദുഃഖകരമാണെന്ന് പിന്നീട് ധാമി ട്വിറ്ററിൽ കുറിച്ചു. ‘സംസ്ഥാനത്ത് സംഘടനയെ ശക്തിപ്പെടുത്തുന്നതിൽ അദ്ദേഹം നൽകിയ സംഭാവനകൾ എന്നും അവിസ്മരണീയമാണ്. ദൈവം അ‌വിടുത്തെ പാദങ്ങളിൽ അദ്ദേഹത്തിന്റെ ആത്മാവിന് ഒരിടം നൽകട്ടെ. അദ്ദേഹത്തിന്റെ കുടുംബാംഗങ്ങൾക്ക് ഈ വിയോഗം താങ്ങാനുള്ള ശക്തിയും ദൈവം നൽകട്ടെ’- അദ്ദേഹം ട്വീറ്റ് ചെയ്തു.
