മലപ്പുറം : ഏഴു വയസ്സുകാരനെ ദുരൂഹ സാഹചര്യത്തിൽ മരണപ്പെട്ട നിലയിൽ കണ്ടെത്തി. മലപ്പുറം തിരൂരിലാണ് സംഭവം. വീട്ടിലെ കുളിമുറിയിലാണ് കുട്ടിയുടെ മൃതദേഹം കണ്ടെത്തിയത്. കഴുത്തിൽ തോർത്ത് കുരുങ്ങിയ നിലയിലായിരുന്നു മൃതദേഹം ഉണ്ടായിരുന്നത്.
തിരൂർ നിറമരുതൂർ സ്വദേശി അൻവർ സാദത്തിന്റെ മകൻ മുഹമ്മദ് ഷാഹിദിനെയാണ് കഴുത്തിൽ തോർത്ത് കുരങ്ങിയ നിലയിൽ കുളിമുറിയിൽ നിന്നും കണ്ടെത്തിയത്. മദ്രസ പഠനം കഴിഞ്ഞ് വീട്ടിൽ തിരിച്ചെത്തിയ ശേഷം കുളിക്കാനായി കയറിയ കുട്ടിയെയാണ് പിന്നീട് മരണപ്പെട്ട നിലയിൽ കണ്ടെത്തിയത്.
ഉടൻതന്നെ കുട്ടിയെ തിരൂർ ഗവൺമെന്റ് ജില്ലാ ആശുപത്രിയിലേക്ക് എത്തിച്ചെങ്കിലും മരണം സംഭവിക്കുകയായിരുന്നു. സംഭവത്തിൽ പോലീസ് കേസെടുത്തു അന്വേഷണം ആരംഭിച്ചു. മൊബൈൽ ഫോൺ കണ്ടുകൊണ്ടിരിക്കുന്ന സമയത്ത് അമ്മ കുളിക്കാനായി നിർബന്ധിച്ചപ്പോൾ കുട്ടി അമ്മയുമായി വഴക്കുണ്ടാക്കിയെന്ന് വീട്ടുകാർ മൊഴി നൽകിയിട്ടുണ്ട്. മൊബൈൽ ഫോൺ നിർബന്ധിച്ച് വാങ്ങി വെച്ചതിനെ തുടർന്ന് വിഷമത്തോടെയായിരുന്നു കുട്ടി കുളിക്കാൻ പോയത് എന്നാണ് മുഹമ്മദ് ഷാഹിദിന്റെ അമ്മ നൽകിയിരിക്കുന്ന മൊഴി.
Discussion about this post