മെയ്ക് ഇൻ ഇന്ത്യ വൻവിജയം. ഇനി ഭാരതം ലോകത്തിനു വേണ്ടി നിർമ്മിക്കും – കേന്ദ്രമന്ത്രി പിയുഷ് ഗോയൽ

ന്യൂഡൽഹി: ഭാരതത്തിന്റെ ഉല്പാദനമേഖലയെ വിപ്ലവാത്മകമായി പരിവർത്തനം ചെയ്ത മെയ്ക് ഇൻ ഇന്ത്യ പദ്ധതിയുടെ ഗംഭീര വിജയത്തിന് ശേഷം, ലോകത്തിനു വേണ്ടി ഇന്ത്യയിൽ നിന്നും നിർമ്മിക്കുക എന്ന പദ്ധതിയുമായി കേന്ദ്രസർക്കാർ. “ലോകത്തിനുവേണ്ടി ഇന്ത്യയിൽ നിർമിക്കുക” എന്ന പദ്ധതിക്ക് കേന്ദ്രസർക്കാർ രൂപം നൽകിയതായി കേന്ദ്ര വാണിജ്യ-വ്യവസായ മന്ത്രി പിയൂഷ് ഗോയൽ പറഞ്ഞു.

ഇന്ത്യ ആഗോളതലത്തിലേക്ക് കടക്കുന്നത് ഞങ്ങൾ ലക്‌ഷ്യം വയ്ക്കുന്നു. ഞങ്ങൾ പ്രാദേശികതയ്ക്ക് വേണ്ടി ശബ്ദിക്കുന്നവരാണ് എന്നാൽ പ്രാദേശികം ലോകം കീഴടക്കണം എന്ന് ആഗ്രഹിക്കുന്നവരും ആണ്. അടുത്ത 30 വർഷത്തിനുള്ളിൽ ഇന്ത്യയുടെ മൊത്ത ആഭ്യന്തര ഉൽപ്പാദനത്തിന്റെ (ജിഡിപി) വലുപ്പം 30 ട്രില്യൺ ഡോളറായി വർദ്ധിക്കുമെന്ന് പ്രതീക്ഷിക്കുന്നതായും മന്ത്രി പറഞ്ഞു. WAIPA സംഘടിപ്പിച്ച വേൾഡ് ഇൻവെസ്റ്റ്‌മെന്റ് കോൺഫറൻസിന്റെ 27-ാമത് പതിപ്പിനെ അഭിസംബോധന ചെയ്തുകൊണ്ട് സംസാരിക്കുകയായിരുന്നു ഗോയൽ

വ്യവസായവൽക്കരണവും ആഭ്യന്തര മൂല്യവർദ്ധനവും പ്രോത്സാഹിപ്പിക്കുന്നതിനും ഇന്ത്യയെ ആഗോളതലത്തിൽ മത്സരാധിഷ്ഠിതമായി നിലനിർത്തുവാനും പറ്റുന്ന ആവാസവ്യവസ്ഥ സൃഷ്ടിക്കാൻ സർക്കാർ നയപരമായ സംരംഭങ്ങളും നടപടികളും സ്വീകരിച്ചിട്ടുണ്ടെന്ന് വാണിജ്യ-വ്യവസായ സഹമന്ത്രി സോം പ്രകാശ് പറഞ്ഞു

ജി എസ് ടി നടപ്പിലാക്കി കോർപ്പറേറ്റ് നികുതിയിൽ കുറവ് വരുത്തി . ബിസിനസ്സ് ചെയ്യാനുള്ള സൗകര്യങ്ങൾ മെച്ചപ്പെടുത്തി, നേരിട്ടുള്ള വിദേശ നിക്ഷേപ നയങ്ങൾ പരിഷ്‌കരിച്ചു. പൊതു സംഭരണ ഉത്തരവുകളിലൂടെ ആഭ്യന്തര ഉൽപ്പാദനം വർദ്ധിപ്പിക്കുന്നതിനുള്ള നടപടികളെടുത്തു . ഘട്ടം ഘട്ടമായുള്ള ഉല്പാദന മേഖലാ പദ്ധതികളും (പിഎംപി) ക്യുസിഒകളും (ക്വാളിറ്റി കൺട്രോൾ ഓർഡറുകൾ) എന്നിവയാണവ

അതുകൊണ്ട് തന്നെ ഇന്ത്യ നൽകുന്ന വലിയ ബിസിനസ് അവസരങ്ങളിലും വലിയ നിക്ഷേപ അവസരങ്ങളും നോക്കി കാണുവാനും അതിൽ പങ്കുചേരുവാനും ഭാരതം നിങ്ങളെ ക്ഷണിക്കുന്നു, നിക്ഷേപ സംഗമത്തിൽ മന്ത്രി പറഞ്ഞു