പെർത്ത്: പെർത്തിൽ നടന്ന ആദ്യ ടെസ്റ്റിൽ പാക്കിസ്ഥാന്റെ ഫഹീം അഷ്റഫിനെ പുറത്താക്കി ഓസ്ട്രേലിയൻ ഓഫ് സ്പിന്നർ നഥാൻ ലിയോൺ തന്റെ കരിയറിലെ 500-ാം ടെസ്റ്റ് വിക്കറ്റ് നേടി.ഇതോടുകൂടി ലിയോണിനെ കൂടാതെ വെറും 7 പേർ കൂടെ മാത്രം ഉൾപ്പെടുന്ന മഹാരഥന്മാരുടെ സംഘത്തിന്റെ ഭാഗമാകുവാനും ലിയോണിന് സാധിച്ചു.
2019 മുതൽ അന്താരാഷ്ട്ര ഏകദിന ക്രിക്കറ്റ് കളിച്ചിട്ടില്ലാത്ത 36 കാരനായ ലയോൺ തന്റെ 123-ാം മത്സരത്തിലാണ് ഈ നാഴിക കല്ലിൽ മുത്തമിടുന്നത് . ഓസ്ട്രേലിയയിൽ, ഈ നാഴികക്കല്ലിലെത്തിയ മൂന്നാമത്തെ ക്രിക്കറ്റ് താരമാണ് ലിയോൺ, ഷെയ്ൻ വോണും (708), ഗ്ലെൻ മഗ്രാത്തും (563) ആണ് മറ്റ് രണ്ടുപേർ
500-ാം വിക്കറ്റ് നേടുന്നതിന് ലിയോണിന് ഡിആർഎസ് ഉപയോഗിക്കേണ്ടി വന്നു. മൂന്നാം അമ്പയർ ഓൺ ഫീൽഡ് അമ്പയറെ തീരുമാനം മാറ്റിയതിന് പിന്നാലെ സ്റ്റേഡിയത്തിൽ അരങ്ങേറിയ ദൃശ്യങ്ങൾ അവിശ്വസനീയമായിരുന്നു
ഇവരാണ് ലോകത്തെ ഏറ്റവും മികച്ച വിക്കറ്റ് വേട്ടക്കാർ. വിക്കറ്റ് കളിക്കാരൻ എന്ന ക്രമത്തിൽ
800 – മുത്തയ്യ മുരളീധരൻ
708 – ഷെയ്ൻ വോൺ
690 – ജെയിംസ് ആൻഡേഴ്സൺ*
619 – അനിൽ കുംബ്ലെ
604 – സ്റ്റുവർട്ട് ബ്രോഡ്
563 – ഗ്ലെൻ മഗ്രാത്ത്
519 – കോർട്ട്നി വാൽഷ്
501 – നഥാൻ ലിയോൺ*
