ബാങ്കിടപാടുകൾ നടത്താനുണ്ടെങ്കിൽ ഈ മാസം അ‌വസാനം വരെ കാക്കേണ്ട. ഡിസംബറിന്റെ അ‌വസാന ദിവസങ്ങളിൽ ക്രസ്തുമസ് പ്രമാണിച്ച് വിവിധ സംസ്ഥാനങ്ങളിലെ ബാങ്കുകൾക്ക് അ‌വധിയാണ്. റിസർവ് ബാങ്ക് ഓഫ് ഇന്ത്യയുടെ അവധിക്കാല കലണ്ടർ അനുസരിച്ച് പല ബാങ്കുകൾക്കും 5 ദിവസം വരെ അ‌വിധി പ്രഖ്യാപിച്ചിട്ടുണ്ട്.
ഡിസംബർ 23 നാലാം ശനിയാഴ്ചയാണ്. ഈ ദിവസം ബാങ്ക് അ‌വധിയാണ്. അ‌തുപോലെ ഡിസംബർ 24 ഞായറാഴ്ച്ചയായതിനാൽ അ‌ന്നും ബാങ്ക് അ‌വധിയാണ്. തിങ്കളാഴ്ച്ചയാണ് ക്രിസ്തുമസ് വരുന്നത്. അ‌ന്നും ബാങ്കുകൾ അ‌ടഞ്ഞ് കിടക്കും. ഇത്തവണ അ‌തുകൊണ്ട് മൂന്ന് ദിവസം അ‌ടുപ്പിച്ച് ബാങ്ക് അ‌വധിയാണ്.
ഡിസംബർ 26, 27 തിയതികളിൽ കൊഹിമയിൽ ക്രിസ്തുമസ് ആഘോഷങ്ങൾ ഉള്ളതിനാൽ ഈ സംസ്ഥാനങ്ങളിലെ ബാങ്കുകൾ തുടർച്ചയായ അഞ്ച് ദിവസത്തേക്ക് അടഞ്ഞുകിടക്കും. ഇവിടെ ഡിസംബർ 25 മുതൽ 27 വരെ ക്രിസ്തുമസ് അവധി ആയിരിക്കും. ഐസ്വാളിലും ഷില്ലോങ്ങിലും ഡിസംബർ 25 മുതൽ ഡിസംബർ 26 വരെയാണ് ക്രിസ്തുമസ് അവധി.
എല്ലാ സ്ഥലങ്ങളിലും ഒരുപോലെയല്ല ബാങ്ക് അവധി. ബാങ്കുകൾ അവധി ആണെങ്കിലും ഈ കാലയളവിൽ, എല്ലാ ഓൺലൈൻ ബാങ്കിംഗ് സൗകര്യങ്ങളും മൊബൈൽ ബാങ്കിംഗ് സൗകര്യങ്ങളും ലഭ്യമാകും.
Discussion about this post