മോസ്കൊ. റഷ്യൻ അയൽരാജ്യമായ ലിത്വാനയിൽ സൈനികരെ വിന്യസിക്കാനുള്ള കരാറിലൊപ്പിട്ട് ജർമ്മൻ പ്രതിരോധ മന്ത്രി ബോറിസ് പിസ്റ്റോറിയസും ലിത്വാനിയൻ പ്രതിരോധമന്ത്രി അർവിദാസ് അനുസാസ്കസും. തിങ്കളാഴ്ച വിൽനിയസിൽ വച്ച് ഒപ്പിട്ട കരാറനുസരിച്ച് ജർമ്മൻ ബുണ്ടസ്വെഹ്ർ ( ജർമൻ സേന ) 2027-ഓടെ 5,000 ത്തോളം സൈനികരെ റഷ്യൻ അതിർത്തിയിൽ വിന്യസിക്കും.
ജർമ്മനിയുടെ ഈ ദീർഘകാല പ്രതിബദ്ധത നാറ്റോയുടെ പ്രതിരോധവും കൂട്ടായ പ്രതിരോധ ശേഷിയും വർദ്ധിപ്പിക്കുമെന്ന് ലിത്വാനിയൻ മന്ത്രി പറഞ്ഞു.പുതിയ കരാർ അനുസരിച്ച് 5000 സൈനികർ അടങ്ങുന്ന ജർമ്മൻ കോംബാറ്റ് ബ്രിഗേഡ് 2027-ഓടെ ലിത്വാനയിൽ പൂർണ്ണമായും സജ്ജമാകണം. സേനയ്ക്ക് വേണ്ട അടിസ്ഥാന സൗകര്യങ്ങളെല്ലാം ലിത്വാനിയ ചെയ്യണം എന്നും കരാറിലുണ്ട്
ബുണ്ടസ്വെഹ്ർ മുമ്പൊരിക്കലും ജർമ്മനിക്ക് പുറത്ത് സ്ഥിരമായി സൈനികരെ നിലയുറപ്പിച്ചിട്ടില്ല. എന്ന വസ്തുത, എത്ര മാത്രം പ്രാധാന്യത്തോടുകൂടിയാണ് നാറ്റോ റഷ്യയിൽ നിന്നുള്ള ഭീഷണിയെ കാണുന്നത് എന്ന് വ്യക്തമാക്കുന്നുണ്ട്.
അതെ സമയം ലിത്വാനിയയിലേക്ക് ഒരു ജർമ്മൻ ബ്രിഗേഡിനെ വിന്യസിക്കുന്നത് റഷ്യയും നാറ്റോയും തമ്മിലുള്ള സൈനിക സംഘർഷം വർദ്ധിപ്പിക്കുന്നതിന് ഇടയാക്കുമെന്ന് റഷ്യൻ വിദേശകാര്യ മന്ത്രാലയത്തിന്റെ വക്താവ് മരിയ സഖരോവ ബുധനാഴ്ച പറഞ്ഞു
റഷ്യയിൽ നിന്നും സ്ഥിരമായി സൈനിക ഭീഷണി നേരിട്ടുകൊണ്ടിരിക്കുന്ന രാജ്യങ്ങളാണ് ലിത്വാനിയയും പോളണ്ടും. റഷ്യയുടെ അധിനിവേശ ശ്രമങ്ങളെ നാറ്റോ വളരെ പ്രാധാന്യത്തോടു കൂടെയാണ് കാണുന്നത് എന്ന് വ്യക്തമാക്കുന്നതാണ് റഷ്യൻ അയൽരാജ്യമായ ലിത്വാനിയയിൽ സ്ഥിരമായി സൈന്യത്തെ യുദ്ധ സജ്ജമാക്കി നിർത്താനുള്ള ജർമനിയുടെ തീരുമാനം
Discussion about this post