തിരുവനന്തപുരം : ക്രിസ്മസിന് മുൻപുള്ള മൂന്നു ദിനങ്ങളിൽ ആയി സംസ്ഥാനത്ത് റെക്കോർഡ് മദ്യ വില്പന. ക്രിസ്മസ് തലേന്ന് മാത്രം ബെവ്കോയിലൂടെ നടന്നത് 70.73 കോടി രൂപയുടെ മദ്യ വില്പനയാണ്. ക്രിസ്മസ് തലേന്ന് നടക്കുന്ന റെക്കോർഡ് മദ്യ വില്പനയാണിത്. കഴിഞ്ഞവർഷം 69.55 കോടി രൂപയുടെ മദ്യ വില്പനയായിരുന്നു ക്രിസ്മസ് തലേന്ന് നടന്നിരുന്നത്.
ക്രിസ്മസിന് മുൻപുള്ള മൂന്നു ദിവസങ്ങളിലായി സംസ്ഥാനത്ത് ബെവ്കോ വഴി വിറ്റഴിക്കപ്പെട്ടത് 154.77 കോടി രൂപയുടെ മദ്യമാണ്. ഡിസംബർ 22, 23 ദിവസങ്ങളിലായി 84.04 കോടി രൂപയുടെ മദ്യ വില്പനയാണ് നടന്നത്. കഴിഞ്ഞവർഷം 72.41 രൂപയുടെ മദ്യ വില്പനയായിരുന്നു ഇതേ ദിവസങ്ങളിൽ നടന്നിരുന്നത്. ഇതോടെ ക്രിസ്മസിന് മുൻപുള്ള മൂന്നു ദിവസങ്ങളിലും റെക്കോർഡ് മദ്യ വില്പനയാണ് കേരളത്തിൽ ബെവ്കോ ഔട്ട്‌ലെറ്റുകൾ വഴി നടന്നത്.
ക്രിസ്മസ് തലേന്ന് കേരളത്തിൽ ഏറ്റവും കൂടുതൽ മദ്യ വില്പന നടന്നത് ചാലക്കുടിയിലെ ബെവ്കോ ഔട്ട്ലെറ്റിലാണ്. രണ്ടാമത്തെ ചങ്ങനാശ്ശേരി ബെവ്കോ ഔട്ട്ലെറ്റ് ആണ്. ക്രിസ്മസ് ദിനത്തിലെ മദ്യ വില്പനയുടെ കണക്കുകൾ കൂടി പുറത്തുവരുന്നതോടെ മദ്യ വില്പനയിൽ കേരളം പുതിയ റെക്കോർഡ് സൃഷ്ടിക്കും എന്നാണ് കരുതപ്പെടുന്നത്.
