ഡെറാഡൂൺ : ഉത്തരാഖണ്ഡിലെ ഹരിദ്വാറിൽ ഇഷ്ടിക ചൂളയുടെ മതിൽ ഇടിഞ്ഞുവീണ് ആറ് തൊഴിലാളികൾ മരണപ്പെട്ടു. നിരവധി പേർക്ക് പരിക്കേൽക്കുകയും ചെയ്തിട്ടുണ്ട്. ഹരിദ്വാറിലെ ലഹ്ബോലി ഗ്രാമത്തിൽ ചൊവ്വാഴ്ച രാവിലെയാണ് അപകടമുണ്ടായത്.
അപകടം നടന്ന ഉടൻ തന്നെ സീനിയർ പോലീസ് സൂപ്രണ്ടിന്റെ നേതൃത്വത്തിൽ സ്ഥലത്തെത്തിയ പോലീസ് സംഘം രക്ഷാപ്രവർത്തനം ആരംഭിച്ചു. അഗ്നിശമനസേനയും പോലീസും ചേർന്ന് തൊഴിലാളികളെ പുറത്തേക്ക് എത്തിച്ച് ആശുപത്രിയിൽ എത്തിച്ചെങ്കിലും ആറു പേരുടെ ജീവൻ രക്ഷിക്കാനായില്ല.
ഇഷ്ടികച്ചൂളയിൽ നിർമ്മാണം നടന്നുകൊണ്ടിരിക്കുന്നതിനാൽ നിരവധി തൊഴിലാളികൾ അപകടം നടക്കുന്ന സമയം സ്ഥലത്തുണ്ടായിരുന്നു. നിർമ്മാണ പ്രവർത്തനങ്ങൾക്കിടയിലായിരുന്നു കെട്ടിടത്തിന്റെ മതിൽ ഇടിഞ്ഞു വീണത്. ഇതോടെ അവശിഷ്ടങ്ങൾക്കിടയിൽപ്പെട്ട് നിരവധി പേർക്ക് ഗുരുതരമായി പരിക്കേൽക്കുകയായിരുന്നു.
Discussion about this post