കേപ്ടൗൺ : ദക്ഷിണാഫ്രിക്കയിലെ സെഞ്ചൂറിയനിൽ നടക്കുന്ന ഇന്ത്യ-ദക്ഷിണാഫ്രിക്ക പരമ്പരയിൽ ഇന്ത്യൻ താരം കെ എല് രാഹുലിന് സെഞ്ച്വറി. സെഞ്ചൂറിയൻ മൈതാനത്ത് വെച്ച് കെ എൽ രാഹുൽ സ്വന്തമാക്കുന്ന രണ്ടാം സെഞ്ച്വറി ആണിത്.
2021 ഡിസംബർ 26നു നടന്ന ടെസ്റ്റിലും ഇതേ മൈതാനത്ത് വച്ച് കെ എൽ രാഹുൽ സെഞ്ച്വറി നേടിയിരുന്നു. രണ്ടുവർഷത്തിനുശേഷം വീണ്ടും അതേ നേട്ടം ആവർത്തിച്ചിരിക്കുകയാണ്. 2021 ൽ 126 റൺസ് ആയിരുന്നു സെഞ്ചൂറിയൻ മൈതാനത്തു നിന്നും സ്വന്തമാക്കിയത്. അന്നത്തെ മത്സരത്തിൽ ഇന്ത്യ 113 റൺസിന്റെ വിജയവും കരസ്ഥമാക്കി.
ഇത്തവണ രാഹുൽ 101 റൺസ് ആണ് സെഞ്ചൂറിയനിൽ നിന്നും എടുത്തിരിക്കുന്നത്. ഇന്നലെ ടോസ് നഷ്ടപ്പെട്ട് ബാറ്റിംഗിനിറങ്ങിയ ഇന്ത്യ കനത്ത ബാറ്റിംഗ് തകർച്ചയാണ് നേരിട്ടിരുന്നത്. വിരാട് കോഹ്ലി 38 റൺസും ശ്രേയസ് അയ്യർ 31 റൺസും എടുത്ത് പുറത്താവുകയായിരുന്നു. രണ്ടാം ദിനം എട്ടിന് 208 എന്ന നിലയിലാണ് ഇന്ത്യ ബാറ്റിംഗ് പുഃനരാരംഭിച്ചത്. കെ എൽ രാഹുൽ സെഞ്ച്വറി സ്വന്തമാക്കിയെങ്കിലും ഇന്ത്യൻ സ്കോർ 245 റൺസിൽ ഒതുങ്ങി.
Discussion about this post