മലപ്പുറം : വിവാഹശേഷം മടങ്ങുകയായിരുന്ന വരനും വധുവും സഞ്ചരിച്ചിരുന്ന കാർ അപകടത്തിൽപ്പെട്ടു. നിയന്ത്രണം വിട്ട വാഹനം തലകീഴായി മറിഞ്ഞാണ് അപകടമുണ്ടായത്. മലപ്പുറം പൊന്നാനിയിലെ പാലപ്പെട്ടിയിൽ അപകടമുണ്ടായത്.
അപകടത്തെ തുടർന്ന് വരനും വധുവും അടക്കം അഞ്ചുപേർക്ക് പരിക്കേറ്റു. വരൻ കണ്ണൂർ സ്വദേശിയായ ശ്രാവൺ, വധു ദേവിപ്രിയ, ബന്ധുക്കളായ വത്സല, സവിത, വിഷ്ണു എന്നിവർക്കാണ് പരുക്കേറ്റത്. ഗുരുവായൂർ ക്ഷേത്രത്തിൽ വച്ചായിരുന്നു ശ്രാവണിന്റെയും ദേവിപ്രിയയുടെയും വിവാഹം. വിവാഹച്ചടങ്ങിനുശേഷം മടങ്ങും വഴിയാണ് വാഹനം അപകടത്തിൽപ്പെട്ടത്.
ഞായറാഴ്ച ഉച്ചയ്ക്ക് 1.30ഓടെയാണ് അപകടം സംഭവിച്ചത്. ഇവരുടെ കാറിനു മുന്നിൽ പോവുകയായിരുന്ന
കെഎസ്ആർടിസി ബസിനെ മറികടക്കാനായി ശ്രമിക്കുന്നതിനിടെ വാഹനത്തിന്റെ നിയന്ത്രണം നഷ്ടപ്പെടുകയായിരുന്നു. തുടർന്ന് നിയന്ത്രണംവിട്ട കാർ ഡിവൈഡറിലിടിച്ച് തലകീഴായി മറിഞ്ഞു. പരുക്കേറ്റവരെ ഉടൻ തന്നെ സമീപത്തെ സ്വകാര്യ ആശുപത്രിയിൽ പ്രവേശിപ്പിച്ചു.
Discussion about this post