നാസിക്ക്: സ്വച്ഛതാ അഭിയാൻ കാമ്പയിന്റെ ഭാഗമായി നാസിക്കിലെ കൽറാം ക്ഷേത്ര പരിസരം ശുചീകരിച്ച് പ്രധാനമന്ത്രി നരേന്ദ്ര മോദി. അയോദ്ധ്യയിലെ പ്രാണപ്രതിഷ്ഠാ ചടങ്ങിന് മുന്നോടിയായി രാജ്യത്തെ എല്ലാ ക്ഷേത്രങ്ങളിലെയും ശുചീകരണ പ്രവർത്തനങ്ങൾ ഏകോപിപ്പിക്കണമെന്ന് അദ്ദേഹം ആഹ്വാനം ചെയ്തു.
ശ്രീ കൽറാം ക്ഷേത്രത്തിൽ ദർശനവും പൂജയും നടത്തിയ അദ്ദേഹം ഗോദാവരി നദിക്കരയിലെ ശ്രീറാം കുണ്ഡിലും ദർശനം നടത്തി. ക്ഷേത്രത്തിൽ അദ്ദേഹം രാമയണത്തിലെ യുദ്ധകാണ്ഡം കേട്ടു. മറാത്തിയിൽ അവതരിപ്പിച്ച രാമായണം എഐ തർജമയിലൂടെ ഹിന്ദിയിലൂടെയാണ് അദ്ദേഹം കേട്ടത്.
ഇതിന് പിന്നാലെയാണ് അദ്ദേഹം ക്ഷേത്ര പരിസരം ശുചീകരിച്ചത്. ബക്കറ്റും മോപ്പും എല്ലാമുപയോഗിച്ച് ക്ഷേത്രം ശുചീകരിക്കുന്നതിന്റെയും രാമഭജൻ ആലപിക്കുന്ന പുരോഹിതരോടൊപ്പം ക്ഷേത്രത്തിൽ താഴെയിരുന്ന് സംഗീതോപകരണം വായിക്കുന്നതിന്റെയും ചിത്രങ്ങൾ സമൂഹമാദ്ധ്യമങ്ങളിൽ പ്രചരിച്ചിട്ടുണ്ട്.
Discussion about this post