ചണ്ഡീഗഢ്: പഞ്ചാബില് കനത്ത തിരിച്ചടി നേരിട്ട് ആംആദ്മിയും കോണ്ഗ്രസും. ഇരു പാര്ട്ടികളിലെയും പ്രവര്ത്തകര് കൂട്ടത്തോടെ ബിജെപിയില് ചേര്ന്നു. ലോക്സഭാ തിരഞ്ഞെടുപ്പ് അടുത്തിരിക്കെ പ്രവര്ത്തകര് കൂട്ടത്തോടെ പാര്ട്ടി വിട്ടത് കോണ്ഗ്രസിനെയും ആംആദ്മിയെയും പ്രതിരോധത്തിലാക്കിയിട്ടുണ്ട്.
ലോക്സഭാ തിരഞ്ഞെടുപ്പുമായി ബന്ധപ്പെട്ട് നേതൃത്വവും പ്രവര്ത്തകരുമായി അസ്വാരസ്യങ്ങള് നിലനിന്നിരുന്നു. ഇതേ തുടര്ന്നാണ് ഇവര് പാര്ട്ടിവിട്ടത്. ചണ്ഡീഗഡിലെ പാര്ട്ടി ആസ്ഥാനത്ത് നടന്ന ചടങ്ങില് പ്രവര്ത്തകരെ ബിജെപി പ്രവര്ത്തകര് സ്വാഗതം ചെയ്തു.
കഴിഞ്ഞ ദിവസം മുന് എംപി അശോക് തന്വാര് ആം ആദ്മി പാര്ട്ടിയുടെ അംഗത്വം രാജിവച്ചിരുന്നു. ചണ്ഡീഗഡ് മേയര് തിരഞ്ഞെടുപ്പില് കോണ്ഗ്രസുമായി ആം ആദ്മി പാര്ട്ടി സഖ്യമുണ്ടാക്കിയതില് പ്രതിഷേധിച്ചായിരുന്നു രാജി. ഇതിന് പിന്നാലെയാണ് ആംആദ്മിയെ ഞെട്ടിച്ച് കൂടുതല് പേര് രാജിവച്ചത്. നിലവിലെ രാഷ്ട്രീയ സാഹചര്യവും കോണ്ഗ്രസുമായുള്ള സഖ്യവും പാര്ട്ടിയില് തുടരാന് ബുദ്ധിമുട്ടുണ്ടെന്നായിരുന്നു അദ്ദേഹം രാജിക്കത്തില് പറഞ്ഞിരുന്നത്.
Discussion about this post