ഭോപ്പാല്‍: അയോദ്ധ്യയില്‍ രാമക്ഷേത്ര പ്രാണപ്രതിഷ്ഠ നടക്കാനിരിക്കെ ഭോപ്പാലില്‍ നടന്ന ഹനുമാന്‍ ചാലിസ പാരായണത്തില്‍ പങ്കെടുത്ത് മുഖ്യമന്ത്രി മോഹന്‍ യാദവ്. 11000 രാമഭക്തരാണ് ഹനുമാന്‍ ചാലിസ പാരായണത്തില്‍ പങ്കെടുത്തത്. ഭോപ്പാല്‍, ഭൈരാഗട്ടിലെ ഹേമു കലാനി സ്‌റ്റേഡിയത്തില്‍ നടന്ന പരിപാടിയില്‍ ഉപമുഖ്യമന്ത്രി രാജേന്ദ്ര ശുക്ല, ബിജെപി എംഎല്‍എ രാമേശ്വര്‍ ശര്‍മ, എന്നിവരും പങ്കെടുത്തു.
‘ഞങ്ങള്‍ അതീവ ഭാഗ്യവാന്മാരാണ്. ദൈവാനുഗ്രഹത്താല്‍ ഏറെ നാളുകളായി കാത്തിരുന്ന രാമക്ഷേത്രത്തിലെ പ്രാണപ്രതിഷ്ഠ നടക്കാന്‍ പോകുകയാണ്. ഇനി 48 മണിക്കൂറുകള്‍ മാത്രമാണ് ബാക്കി.
മികച്ച ഭരണത്തിന്റെയും രാമരാജ്യം സാക്ഷാത്കരിക്കുന്നതിന്റെയും ആദ്യ ഘട്ടമാണ് ഇത്’- മുഖ്യമന്ത്രി പറഞ്ഞു. പ്രാണപ്രതിഷ്ഠക്ക് മുന്നോടിയായി ഹനുമാന്‍ ചാലിസാ പരിപാടി സംഘടിപ്പിച്ചതിന് അദ്ദേഹം രാമഭക്തര്‍ക്ക് അഭിനന്ദനമറിയിച്ചു.
പ്രാണപ്രതിഷ്ഠാ ദിവസം സംസ്ഥാന സര്‍ക്കാര്‍ എല്ലാ സര്‍ക്കാര്‍, സ്വകാര്യ സ്ഥാപനങ്ങള്‍ക്കും അവധി പ്രഖ്യാപിച്ചിട്ടുണ്ട്.
Discussion about this post