മലപ്പുറം: കരിപ്പൂർ വിമാനത്താവളത്തിൽ വൻ സ്വർണവേട്ട. ഒരു കോടിയ്ക്കടുത്ത് വില വരുന്ന സ്വർണം പിടികൂടി. സംഭവത്തിൽ കോഴിക്കോട് സ്വദേശിനി ബീന മുഹമ്മദ് ആസാദിനെ കസ്റ്റംസ് കസ്റ്റഡിയിൽ എടുത്തു.
ഇന്ന് രാവിലെയോടെയായിരുന്നു സംഭവം. കസ്റ്റംസും ഡിആർഐയും സംയുക്തമായാണ് സ്വർണം പിടികൂടിയത്. സുരക്ഷാ പരിശോധനയ്ക്കിടെ സംശയം തോന്നിയതിനെ തുടർന്ന് ബീനയെ ഉദ്യോഗസ്ഥർ വിശദമായി പരിശോധിക്കുകയായിരുന്നു. ഇതോടെയാണ് സ്വർണം പിടിച്ചെടുത്തത്.
വടയുടെ ആകൃതിയിൽ അപ്പ ചട്ടിയിൽ ഒളിപ്പിച്ചായിരുന്നു ബീന സ്വർണം കടത്താൻ ശ്രമിച്ചത്. ഒന്നര കിലോ സ്വർണമാണ് കണ്ടെടുത്തത്. ഇതിന് വിപണിയിൽ 95 ലക്ഷം രൂപ വിലവരുമെന്ന് അധികൃതർ അറിയിച്ചു. ദുബായിൽ നിന്നുള്ള ഇൻഡിഗോ വിമാനത്തിലായിരുന്നു ബീന കരിപ്പൂരിൽ എത്തിയത്.
Discussion about this post