തായ് പേയ്: ചൈനീസ് നേതാക്കൾ പ്രകോപനപരമായ പ്രസ്താവനകൾ പുറത്തിറക്കുന്നത് തുടരുന്ന സാഹചര്യത്തിൽ ഒരു യുദ്ധത്തിന് വേണ്ടിയുള്ള തയ്യാറെടുപ്പുകൾ നടത്തി തായ് ജനത.
യുദ്ധ സമാന സാഹചര്യം ഒരുക്കി ശനിയാഴ്‌ച തായ്‌പേയിൽ നടന്ന സിവിൽ ഡിഫൻസ് ഡ്രില്ലിൽ നൂറിലധികം തായ്‌വാനികൾ പങ്കെടുത്തതായി ഫോക്കസ് തായ്‌വാൻ പത്രമാണ് റിപ്പോർട്ട് ചെയ്തത് . തായ്‌പേയ് എക്‌സ്‌പോ പാർക്കിലെ ഒരു ആളൊഴിഞ്ഞ പ്ലാസയിൽ സ്വകാര്യ ഉടമസ്ഥതയിലുള്ള കുമാ അക്കാദമിയാണ് അഭ്യാസം സംഘടിപ്പിച്ചത്.
ഒരു വ്യോമാക്രമണം, ഒരു സ്ഫോടനം, പൊതുസ്ഥലത്ത് നടക്കുന്ന വെടിവയ്പ്പ് എന്നിവ അനുകരിക്കപ്പെട്ട രംഗങ്ങളിൽ ഉൾപ്പെടുന്നു. അഭയം പ്രാപിക്കുന്നത് മുതൽ ഒഴിപ്പിക്കൽ, പ്രഥമ ശുശ്രൂഷ നൽകൽ തുടങ്ങി നിരവധി കഴിവുകളും ഡ്രില്ലിൽ ഉൾപ്പെടുത്തിയിട്ടുണ്ട്.
വിദ്യാർത്ഥികൾക്ക് ക്ലാസിൽ പഠിച്ച കാര്യങ്ങൾ പരിശീലിക്കുന്നതിനുള്ള അനുഭവവും അവരുടെ കുടുംബങ്ങളെ ആ കഴിവുകൾ പഠിപ്പിക്കാനുള്ള കഴിവും നൽകാനാണ് ഞങ്ങൾ ശ്രമിക്കുന്നത്.അതിനു വേണ്ടി യഥാർത്ഥ ജീവിത സാഹചര്യങ്ങൾ അനുകരിക്കുകയാണ് ഡ്രില്ലുകളുടെ ലക്ഷ്യമെന്ന് അക്കാദമിയിലെ ഇൻസ്ട്രക്ടറായ ചെൻ യിംഗ് പറഞ്ഞു.
സ്വയം സുരക്ഷിതമാക്കുക എന്നതാണ് ഒരു യുദ്ധ കാലഘട്ടത്തിൽ പൗരന്മാർക്ക് സ്വന്തം ഭരണകൂടത്തിന് നൽകാൻ കഴിയുന്ന ഏറ്റവും വലിയ സമ്മാനമെന്ന് അക്കാദമി സിഇഒ ചു ഫു-മിംഗ് പറഞ്ഞു
Discussion about this post