അഗർത്തല : വിമാനയാത്രയ്ക്ക് മുൻപായി ദേഹാസ്വസ്ഥ്യം പ്രകടിപ്പിച്ചതിനെ തുടർന്ന് ഇന്ത്യൻ ക്രിക്കറ്റ് താരം മായങ്ക് അഗർവാളിനെ ആശുപത്രിയിൽ പ്രവേശിപ്പിച്ചു. രഞ്ജി ട്രോഫി മത്സരങ്ങളിൽ കർണാടക ടീമിന്റെ ക്യാപ്റ്റൻ കൂടിയാണ് മായങ്ക് അഗർവാൾ. റെയിൽവേയ്‌സിനെതിരായി ആരംഭിക്കുന്ന രഞ്ജി ട്രോഫി മത്സരങ്ങളിൽ പങ്കെടുക്കുന്നതിനായി അഗർത്തലയിൽ നിന്നും സൂറത്തിലേക്ക് യാത്ര ചെയ്യാനായി വിമാനത്തിൽ കയറിയപ്പോൾ ആയിരുന്നു ദേഹാസ്വസ്ഥ്യം അനുഭവപ്പെട്ടത്.
ഉടൻ തന്നെ ആശുപത്രിയിൽ എത്തിച്ച മായങ്ക് അഗർവാളിനെ ഐസിയുവിൽ പ്രവേശിപ്പിച്ചിരിക്കുകയാണ്. ബോട്ടിലിൽ നിന്നുള്ള വെള്ളം കുടിച്ചതിന് പിന്നാലെയാണ് വിമാനത്തിൽ വച്ച് അദ്ദേഹത്തിന് ദേഹാസ്വസ്ഥ്യം അനുഭവപ്പെട്ടത് എന്നാണ് റിപ്പോർട്ടുകൾ സൂചിപ്പിക്കുന്നത്.
ബോട്ടിൽ വെള്ളം കുടിച്ച ശേഷം മായങ്ക് അഗർവാളിന്റെ വായയിലും തൊണ്ടയിലും അസ്വസ്ഥത അനുഭവപ്പെട്ടതായി പറയുന്നു. ഉടൻതന്നെ വിമാനത്തിൽ നിന്നും പുറത്തിറക്കിയ അദ്ദേഹത്തെ ടീം മാനേജ്മെന്റ് അഗർത്തലയിലെ ഐ എൽ എസ് ഹോസ്പിറ്റലിൽ എത്തിക്കുകയും ഐസിയുവിൽ പ്രവേശിപ്പിക്കുകയും ആയിരുന്നു.
