ഇടുക്കി : ഇടുക്കിയിലെ മറയൂരിലേക്ക് വിനോദയാത്രയ്ക്ക് എത്തിയ 15 വയസ്സുകാരനെ സഹപാഠികളായ നാലുപേർ ചേർന്ന് പീഡിപ്പിച്ചതായി പരാതി. തിരുവനന്തപുരത്തു നിന്നും മറയൂർ സന്ദർശിക്കാൻ എത്തിയ വിദ്യാർത്ഥികളാണ് സഹപാഠിയായ 15 വയസ്സുകാരനെ പീഡിപ്പിച്ചത്. തിരുവനന്തപുരത്തെ ട്യൂഷൻ സെന്ററിൽ നിന്നും വിനോദയാത്രയ്ക്കായി ഇടുക്കിയിൽ എത്തിയതായിരുന്നു ഇവർ.
ട്യൂഷൻ സെന്ററിലെ വിദ്യാർത്ഥികളായ മൂന്നുപേരും വിനോദയാത്രയ്ക്ക് ഒപ്പം ഉണ്ടായിരുന്ന ഒരു 20 വയസ്സുകാരനും ആണ് സംഭവത്തിലെ പ്രതികൾ. മൂന്ന് പ്രതികൾ പ്രായപൂർത്തിയാകാത്തവരാണ്. മറയൂർ പോലീസ് നാല് പ്രതികൾക്കും എതിരെ പോക്സോ വകുപ്പ് പ്രകാരം കേസെടുത്തു.
തിരുവനന്തപുരം കടക്കാവൂരിലുള്ള രണ്ടു ട്യൂഷൻ സെന്ററുകളിലെ വിദ്യാർത്ഥികളാണ് വിനോദയാത്രയ്ക്കായി മറയൂരിൽ എത്തിയിരുന്നത്. മറയൂരിലെ ഒരു റിസോർട്ടിൽ ആയിരുന്നു ഈ സംഘം താമസിച്ചിരുന്നത്. വിനോദയാത്രയ്ക്കിടയിൽ റിസോർട്ടിലെ മുറിയിൽ വച്ച് ട്യൂഷൻ സെന്ററിലെ ജീവനക്കാരന്റെ മകനായ 20 വയസ്സുകാരനും ഇതേ ട്യൂഷൻ സെന്ററിലെ വിദ്യാർത്ഥികളായ മൂന്നുപേരും ചേർന്ന് പീഡിപ്പിക്കുകയായിരുന്നു എന്നാണ് 15 വയസ്സുകാരൻ പരാതി നൽകിയിട്ടുള്ളത്.
Discussion about this post