ചുമയും ജലദോഷവും കൊണ്ട് ബുദ്ധിമുട്ടുന്നുണ്ടോ? തേനും ഉള്ളിയും കൊണ്ട് ഇങ്ങനെയൊരു പൊടിക്കൈ; ഫലം ഉറപ്പ്

ചുമയും ജലദോഷവുമെല്ലാാം വന്നുപെട്ടാൽ മാറിപോകാൻ ബുദ്ധിമുട്ടുന്നവരാണ് നമ്മളിൽ പലരും. ആശുപത്രികളിൽ പോകുന്നവരും മെഡിക്കൽ ഷോപ്പുകളിൽ നിന്നും മരുന്ന് വാങ്ങി കഴിച്ച് താൽക്കാലിക ആശ്വാസം നേടുന്നവരും നമുക്കിടയിലുണ്ട്. മുതിർന്നവർ ചുക്ക് കാപ്പി പോലുള്ളവയെ ആശ്രയിക്കുന്നതും കാണാം. പാർശ്വഫലങ്ങൾ ഇല്ലാത്തതു കൈാണ്ട് തന്നെ ആയുർവേദം തന്നെയാണ് ഇത്തരം രോഗങ്ങൾക്ക് മിച്ച പ്രതിവിധി.

കാലാവസ്ഥാ മാറ്റങ്ങൾ തന്നെയാണ് ചുമയും ജലദോഷവും പോലുള്ള രോഗങ്ങൾക്ക് പ്രധാന കാരണമായി ഡോക്ടർമാർ പറയുന്നത്. കോവിഡ് ബാധിച്ചവർക്ക് അതിന്റെ അനന്തരഫലമായും ഇങ്ങനെയുള്ള രോഗങ്ങൾ മാറാതെ നിൽക്കുന്നത് കാണാം. കോവിഡ് മൂലം രോഗപ്രതിരോധ ശേഷി കുറയുന്നതാണ് ഇതിന്റെ പ്രധാന കാരണം.

ചുമയ്ക്കും ജലദോഷത്തിനും തൊണ്ടവേദനയ്ക്കുമെല്ലാം ആശ്വാസം ലഭിക്കുന്നതിനായി തേനും ചെറിയുള്ളിയും ചേർത്ത് ഒരു കഫ് സിറപ്പ് വീട്ടിൽ തന്നെ തയ്യാറാക്കാം. പരമ്പരാഗതമായി വീടുകളിൽ തയ്യാറാക്കി വരുന്ന, മികച്ച ഫലമുള്ളൊരു കഫ് സിറപ്പ് തന്നെയാണിത്. ചുയും തൊണ്ടവേദയുമെല്ലാം കുറയ്ക്കാനായി പണ്ടുതൊട്ടേ ഉപയോഗിച്ചു വരുന്ന ഒന്നാണ് ഉള്ളി. ഉള്ളിയിലുള്ള സൾഫർ കോമ്പൗണ്ട്‌സ് ഉൾപ്പെടെയുള്ള ഘടകങ്ങളാണ് ഇതിന് പ്രധാന കാരണം. ബാക്ടീരിയൽ, വൈറൽ അണുബാധകൾക്കെതിരെ പോരാടാനുള്ള കഴിവ് ഇതിനുണ്ട്. തേനിനും പലവിധ അണുബാധകളോടും പൊരുതുന്നതിനുള്ള കഴിവുണ്ട്.

ഉള്ളിയും തേനും കൂടി ചേർത്ത് എങ്ങനെയാണ് ഈ് കഫ് സിറപ്പ് ഉണ്ടാക്കുന്നത് എന്ന് നോക്കാം. ആദ്യം കുറച്ചധികം ഉള്ള്ി ചെറുതായി മുറിച്ചു വയ്ക്കുക. ഒരു ജാർ എടുത്ത് അതിലേക്ക് മുറിച്ചു വച്ച ഉള്ളിയിൽ നിന്നും ഒരു സ്പൂൺ ഇടുക. അതിന് മുകളിലായി രണ്ട് വലിയ സ്പൂൺ തേൻ ഒഴിക്കുക. ഉള്ളി മൂടിക്കിടക്കും വിധമായിരിക്കണം തേൻ ഒഴിക്കേണ്ടത്. ജാർ നിറയുന്നത് വരെ ഇത് ആവർത്തിക്കണം. നിറഞ്ഞുകഴിഞ്ഞാൽ ഇത് അടപ്പിട്ട് നന്നായി മൂടി കുറഞ്ഞതൊരു 6 മണിക്കൂറെങ്കിലും വയ്ക്കുക. അതിന് ശേഷം ഇത് കഴിച്ച് തുടങ്ങാം. ദിവസവും രണ്ടോ മൂന്നോ സ്പൂൺ വീതമായി രണ്ടോ മൂന്നോ നേരമേ കഴിക്കേണ്ടതുള്ളൂ.