പനാജി:ഭക്ഷണ പ്രേമികള്ക്ക് ഏറെ പ്രിയപ്പെട്ടതാണ് ഗോബി മഞ്ചൂരിയന് . കോളിഫ്ളവര് കൊണ്ടുള്ള ഈ വിഭവം ഇഷ്ടമില്ലാത്തവര് ചുരുക്കമായിരിക്കും. എന്നാല് ഈ ഇഷ്ടവിഭവം ഗോവയിലെ ഒരു നഗരത്തില് നിരോധനം ഏര്പ്പെടുത്തിയിരിക്കുകയാണ്.
മപുസ എന്ന നഗരത്തിലാണ് ഗോബി മഞ്ചൂറിയന് വിലക്കിയിരിക്കുന്നത്. സിന്തറ്റിക് നിറങ്ങള് ചേര്ക്കുന്നു, ഭക്ഷണശാലകളില് വൃത്തിയില്ലായ്മ, വിഭവത്തില് കൂടുതലായി ഉപയോഗിക്കുന്ന സോസ് എന്നിവ ആരോഗ്യ പ്രശ്നങ്ങള് ഉണ്ടാകുന്നു. ഇവയെല്ലാം ചൂണ്ടിക്കാട്ടിയാണ് മപുസ മുനിസിപ്പല് കൗണ്സിലിന് വിഭവം നിരോധിച്ചത്. അതിനാല് നഗരത്തിലെ സ്റ്റാളുകളില് ഇനിമുതല് ഗോബി മഞ്ചൂരിയന് വില്ക്കാന് പാടുള്ളതല്ല എന്നും മുനിസിപ്പല് കൗണ്സിലിന് അറിയിച്ചു.
ഗോബി മഞ്ചൂരിയന് നിരോധനം ഏര്പ്പെടുത്തുന്ന ഗോവയിലെ ആദ്യത്തെ പൗരസമിതിയല്ല മപുസ മുനിസിപ്പല് കൗണ്സില്. 2022 ല്, ശ്രീ ദാമോദര് ക്ഷേത്രത്തിലെ വാസ്കോ സപ്താഹ മേളയില്, ഗോബി മഞ്ചൂരിയന് വില്ക്കുന്ന സ്റ്റാളുകള് നിയന്ത്രിക്കാന് ഫുഡ് ആന്ഡ് ഡ്രഗ്സ് അഡ്മിനിസ്ട്രേഷന് (എഫ്ഡിഎ) മോര്മുഗാവോ മുനിസിപ്പല് കൗണ്സിലിന് നിര്ദേശം നല്കിയിരുന്നു.ഈ നിര്ദ്ദേശത്തിന് മുമ്പ്, എഫ്ഡിഎ അത്തരം സ്റ്റാളുകളില് റെയ്ഡുകള് നടത്തിയിരുന്നു. വിഭവം ആളുകളിലേക്ക് എത്തിക്കുന്നതിന്റെ വ്യാപനം തടയാനുള്ള ശ്രമത്തിലാണ് ഇപ്പോള് എഫ്ഡിഎ.
Discussion about this post