പരീക്ഷകളുടെ കാലം ആയിരിക്കുകയാണ് . കഴിഞ്ഞ കുറച്ച് ദിവസങ്ങളായി ഹയർസെക്കൻഡറി പരീക്ഷകൾ തുടങ്ങിയിട്ട്. ഇന്ന് എസ്എൽസി പരീക്ഷകളും തുടങ്ങി. എന്നാൽ ഈ ദിവസത്തെ പ്രധാന ചർച്ച വിഷയമായിരിക്കുന്നത് ഒരു സെലിബ്രിറ്റി പത്താം ക്ലാസ് പരിക്ഷാ എഴുതാൻ പോവുന്നതാണ്. അത് വേറെ ആരും അല്ല. അറുപത്തിയെട്ടാം വയസിൽ എസ്എസ്എൽസി പരീക്ഷ എഴുതുന്നത് നടൻ ഇന്ദ്രൻസാണ്. കഴിഞ്ഞ വർഷം നവംബറിലാണ് നടൻ സാക്ഷരതാമിഷന്റെ പത്താംക്ലാസ് തുല്യതാപഠന പദ്ധതിയിലൂടെ വിദ്യാർത്ഥിയായത്.
എന്റെ പ്രായത്തിലുള്ളവർ പഠിക്കുന്നു എന്നുള്ള വാർത്തകൾ ധാരാളം കേട്ടിട്ടുണ്ട്. അതിൽ നിന്ന് പ്രചോദനം ഉൾക്കൊണ്ടാണ്‌ ഈ സാഹസികതയ്ക്ക് പുറപ്പെട്ടത്‌ എന്ന് നടൻ ഇന്ദ്രൻസ് പറഞ്ഞു. കളിച്ചു ചിരിച്ച് നടക്കുന്നതിനിടയ്ക്ക് കുറച്ച് പഠിച്ചാൽ മതി, എല്ലാം ശരിയായിക്കോളും. പുതുതായി പഠിച്ച് ഒരറിവൊന്നും കിട്ടാനൊന്നും പോണില്ല. അതുകൊണ്ടൊന്നും നേടാനില്ല. ‘ എന്നും ഇന്ദ്രൻസ് വ്യക്തമാക്കി.
നടന് ഇഷ്ടമുള്ള വിഷയം മലയാളം ആണ്. അത് പഠിക്കാൻ വളരെ താൽപര്യമാണ്. എന്നാൽ ഹിന്ദിയും ഇംഗീഷുമാണ് താൻ കഷ്ടപ്പെട്ട് പഠിക്കുന്നത് . ഈ രണ്ട് വിഷയങ്ങളും ജയിക്കണം എന്ന് വിചാരിച്ച് പഠിക്കുന്നതാണ് എന്നും നടൻ പറഞ്ഞു. മലയാളം ഒഴികെയുള്ള എല്ലാ വിഷയങ്ങളും തനിക്ക് കഷ്ടപ്പാടാണെന്നും ഇന്ദ്രൻസ് കൂട്ടിച്ചേർത്തു. പരീക്ഷകളുടെ കാര്യങ്ങൾ എല്ലാം മക്കളാണ് നോക്കുന്നത്. അവരാണ് ഹോൾടിക്കറ്റെല്ലാം എടുത്ത് തന്നത്. നേരത്തെ പഠിക്കാനുള്ള പുസ്തകങ്ങൾ എല്ലാം കൊണ്ടു തന്നതും അവർ തന്നെയാണ്. കൂടാതെ അവർ തന്നെയാണ് പഠിക്കാനുള്ള സമയവും, എന്നെ പഠിപ്പിക്കുന്നത് എന്നും അദ്ദേഹം കൂട്ടിച്ചേർത്തു.
