ന്യൂഡൽഹി: മെറ്റയ്ക്ക് കീഴിലെ സാമൂഹ്യമാദ്ധ്യമ പ്ലാറ്റ്ഫോമുകൾ പ്രവർത്തന രഹിതമായി. ഫേയ്സ്ബുക്ക്, ഇൻസ്റ്റഗ്രാം എന്നിവയുടെ പ്രവർത്തനങ്ങളാണ് നിലച്ചത്. സാങ്കേതിക പ്രശ്നം പരിഹരിക്കാനുള്ള നടപടികൾ ആരംഭിച്ചതായി അധികൃതർ അറിയിച്ചു.
രാത്രി 8.45 ഓട് കൂടിയായിരുന്നു സംഭവം. ഉപയോഗിക്കുന്നതിനിടെ ഫേസ്ബുക്കും ഇൻസ്റ്റാഗ്രാമും തനിയെ ലോഗ് ഔട്ട് ആകുകയായിരുന്നു. നിരവധി തവണ പാസ്വേർഡ് അടിച്ച് ഉപഭോക്താക്കൾ തുറക്കാൻ ശ്രമിച്ചെങ്കിലും ഫലമുണ്ടായില്ല.ഇ തോടെ ഹാക്ക് ചെയ്യപ്പെട്ടുവെന്ന് ഉപയോക്താക്കൾ പരിഭ്രാന്തിയിലായി. യൂട്യൂബിനും തകരാറ് നേരിടുന്നുണ്ടെന്നാണ് റിപ്പോർട്ട്.
അതേസമയം ആളുകൾ പരിഭ്രാന്തിയിലായതിന് പിന്നാലെ എക്സിലൂടെ പ്രതികരണവുമായി മാർക്ക് സക്കർബർഗ് രംഗത്ത് എത്തി. കുറച്ച് നേരം ക്ഷമയോടെ കാത്തിരിക്കണം എന്നും ഉടൻ പ്രശ്നം പരിഹരിക്കാമെന്നുമായിരുന്നു അദ്ദേഹം എക്സിൽ കുറിച്ചത്.
Discussion about this post