തിരുവനന്തപുരം : കോൺഗ്രസ് വിട്ട് ബിജെപിയിൽ ചേർന്ന പത്മജ വേണുഗോപാലിനെതിരായ യൂത്ത് കോൺഗ്രസ് അധ്യക്ഷൻ രാഹുൽ മാങ്കൂട്ടത്തിലിന്റെ പരാമർശം തള്ളി കോൺഗ്രസ് നേതാവ് രമേശ് ചെന്നിത്തല. സ്ത്രീകളോട് മോശമായി പെരുമാറുന്ന പാരമ്പര്യം കോൺഗ്രസിന് ഇല്ല. രാഹുലിന്റെ പ്രസ്താവനയോട് യോജിപ്പില്ലെന്നും രമേശ് ചെന്നിത്തല പ്രതികരിച്ചു.
പത്മജ വേണുഗോപാൽ ബിജെപിയിൽ ചേരുമെന്ന് വ്യക്തമാക്കിയതിന് പിന്നാലെ ആയിരുന്നു രാഹുൽ മാങ്കൂട്ടത്തിൽ പത്മജയ്ക്കെതിരെ അധിക്ഷേപ പരാമർശം നടത്തിയത്. പത്മജ തന്തയ്ക്ക് പിറന്നവളല്ല തന്തയെ കൊന്ന സന്തതി ആണെന്നായിരുന്നു രാഹുലിന്റെ പരാമർശം. പിന്നാലെ വലിയ വിവാദമായിരുന്നു ഈ പരാമർശം സൃഷ്ടിച്ചത്.
രാഹുൽ മാങ്കൂട്ടത്തിലിന്റെ അധിക്ഷേപ പരാമർശത്തിനെതിരെ പത്മജ വേണുഗോപാൽ രംഗത്തെത്തിയിരുന്നു. തന്റെ മാതാവിനെയാണ് രാഹുൽ മാങ്കൂട്ടത്തിൽ അധിക്ഷേപിച്ചതെന്ന് പത്മജ വ്യക്തമാക്കി. രാഹുലിനെതിരെ കേസ് കൊടുക്കും എന്നും പത്മജ വേണുഗോപാൽ അറിയിച്ചിട്ടുണ്ട്.
Discussion about this post