വാരാണസി: “എല്ലാം ഈ കൈകളിൽ ഭദ്രം”, പ്രധാനമന്ത്രി ശ്രീ നരേന്ദ്ര മോദി തന്റെ കയ്യിൽ ത്രിശൂലമേന്തി കാശി വിശ്വനാഥ ക്ഷേത്രത്തിൽ ജനങ്ങളെ അഭിവാദ്യം ചെയ്തപ്പോൾ, ആ മുഖത്ത് പ്രകടമായ നിശ്ചയദാർഢ്യം മുഴുവൻ ഭാരതത്തോടും വിളിച്ചു പറഞ്ഞത് ആ വാക്കുകളായിരുന്നു. തങ്ങളുടെ നായകന്റെ നേതൃത്വ പാടവത്തിൽ സംശയത്തിന്റെ ലാഞ്ജന പോലും ഇല്ലാതിരുന്ന, അവിടെ തടിച്ചു കൂടിയ നൂറുകണക്കിന് ജനങ്ങൾ ഇതോടു കൂടി ആവേശത്തിന്റെ കൊടുമുടിയിലേക്ക് കടന്നു.
തന്റെ നിയോജക മണ്ഡലമായ വാരണാസിയിൽ ജനങ്ങളെ അഭിവാദ്യം ചെയ്യാൻ വേണ്ടി നടത്തിയ റോഡ് ഷോയുടെ ഒടുവിലാണ് നരേന്ദ്ര മോദി ഉത്തർപ്രദേശ് മുഖ്യമന്ത്രി യോഗി ആദിത്യനാഥിനോടൊപ്പം മഹാദേവന്റെ സന്നിധിയിലെത്തിയത്.
തുടർന്ന് കാശി വിശ്വനാഥ ക്ഷേത്രത്തിൽ പ്രധാനമന്ത്രി മോദിയും മുഖ്യമന്ത്രി യോഗിയും വിപുലമായ മതപരമായ ആചാരങ്ങളിൽ പങ്കെടുക്കുകയും പ്രാർത്ഥനയിൽ മുഴുകുകയും ചെയ്തു . ഇവരുടെ സന്ദർശന വേളയിൽ ക്ഷേത്രം പുഷ്പങ്ങളാൽ അലങ്കരിച്ചിരുന്നു, നേതാക്കളെ സ്വീകരിക്കാൻ വൻ ജനാവലി തന്നെ സന്നിഹിതരായിരുന്നു.
ചടങ്ങുകളും പ്രാർത്ഥനകൾക്കും ശേഷമാണ് അദ്ദേഹത്തെ കാണാനെത്തിയ നൂറുകണക്കിന് ജനങ്ങളെ സാക്ഷി നിർത്തി കൊണ്ട് പ്രധാനമന്ത്രി നരേന്ദ്ര മോദി പരമശിവന്റെ ആയുധമായ ത്രിശൂലം എടുത്തുയർത്തി കൊണ്ട് ജനങ്ങളെ അഭിവാദ്യം ചെയ്തത്
Discussion about this post