ന്യൂയോർക്ക് : ഇലോൺ മസ്‌കിൻ്റെ എയ്‌റോസ്‌പേസ് കമ്പനിയായ സ്പേസ് എക്സ് ബഹിരാകാശ മേഖലയിൽ മറ്റൊരു സുപ്രധാന നേട്ടവും കൂടി കൈവരിച്ചിരിക്കുകയാണ്. രണ്ടു ദൗത്യങ്ങളിലായി 46 സ്റ്റാർലിങ്ക് ഉപഗ്രഹങ്ങൾ ആണ് കഴിഞ്ഞദിവസം സ്പേസ് എക്സ് വിക്ഷേപിച്ചത്. വെറും ആറ് മണിക്കൂറിനുള്ളിൽ ആയിരുന്നു ഈ രണ്ട് വിക്ഷേപണങ്ങളും സ്പേസ് എക്സ് നടത്തിയത്.
ഫ്ലോറിഡയിൽ നിന്നും കാലിഫോർണിയയിൽ നിന്നുമാണ് ഉപഗ്രഹവിക്ഷേപണങ്ങൾ നടന്നത്. ബാക്ക്-ടു-ബാക്ക് ഫാൽക്കൺ 9 റോക്കറ്റുകൾ ആണ് ഉപഗ്രഹ വിക്ഷേപണത്തിനായി സ്പേസ് എക്സ് ഉപയോഗിച്ചത്. പുനരുപയോഗിക്കാവുന്ന രണ്ട് ഘട്ടങ്ങളുള്ള റോക്കറ്റുകൾ ആണ് ഫാൽക്കൺ 9. ഉപഗ്രഹങ്ങൾ ബഹിരാകാശത്ത് വിക്ഷേപിച്ച ശേഷം 9 മിനിറ്റിനുള്ളിൽ റോക്കറ്റുകൾ തിരികെ ഭൂമിയിലെത്തുകയും പ്രത്യേകം തയ്യാറാക്കിയിരുന്ന അറ്റ്ലാന്റിക് സമുദ്രത്തിലെ സ്പേസ് എക്സ് മേഖലയിൽ സുരക്ഷിതമായി ലാൻഡ് ചെയ്യുകയും ചെയ്തു.
തിങ്കളാഴ്ച പുലർച്ചെ 4:35 ന് ആയിരുന്നു 23 ഉപഗ്രഹങ്ങളുടെ ആദ്യ സെറ്റ് സ്പേസ് എക്സ് വിക്ഷേപിച്ചത്. ലിഫ്റ്റ്ഓഫ് കഴിഞ്ഞ് ഏകദേശം 8.5 മിനിറ്റുകൾക്ക് ശേഷം, ഫാൽക്കൺ 9 ൻ്റെ ആദ്യ ഘട്ടം ഭൂമിയിലേക്ക് മടങ്ങിയെത്തി അറ്റ്ലാൻ്റിക് സമുദ്രത്തിൽ നിലയുറപ്പിച്ചിരുന്ന SpaceX ഡ്രോൺ കപ്പലിൽ ലാൻഡിംഗ് നടത്തി. തുടർന്ന് രാവിലെ ഒമ്പതരയോടെ രണ്ടാംഘട്ടം ഉപഗ്രഹവിക്ഷേപണവും സ്പേസ് എക്സ് വിജയകരമായി പൂർത്തീകരിച്ചു.
Discussion about this post