മലപ്പുറം : മലപ്പുറത്ത് ഗ്യാസ് സിലിണ്ടർ പൊട്ടിത്തെറിച്ച് വൻ തീപിടുത്തം. തട്ടുകടയിൽ ഉപയോഗിച്ചിരുന്ന ഗ്യാസ് സിലിണ്ടർ ആണ് പൊട്ടിത്തെറിച്ചത്. തീ പടർന്നതോടെ തട്ടുകട പൂർണമായും കത്തി നശിച്ചു. ചൊവ്വാഴ്ച രാത്രിയാണ് സംഭവം ഉണ്ടായത്.
മലപ്പുറം പുത്തനത്താണി തിരുനാവായ ജംഗ്ഷനിൽ ഓട്ടോറിക്ഷ സ്റ്റാൻഡിന് സമീപം പ്രവർത്തിച്ചിരുന്ന തട്ടുകടയിലാണ് അപകടമുണ്ടായത്. ഗ്യാസ് സിലിണ്ടർ വലിയ ശബ്ദത്തോടെ പൊട്ടിത്തെറിക്കുകയായിരുന്നു. തുടർന്ന് തീ സമീപം മുഴുവൻ ആളിപ്പടർന്നു.
തീപിടുത്തത്തിൽ തട്ടുകടയ്ക്ക് സമീപം ഉണ്ടായിരുന്ന പെട്ടിക്കടയും കത്തി. ഉടൻതന്നെ ഫയർഫോഴ്സ് സ്ഥലത്തെത്തിയതിനാൽ സമീപത്തെ വ്യാപാരസ്ഥാപനങ്ങളിലേക്ക് പടരുന്നതിനു മുൻപ് തീ നിയന്ത്രണവിധേയമാക്കാൻ കഴിഞ്ഞു. സംഭവത്തിൽ ആർക്കും ആളപായം ഇല്ലെന്നും പരിക്കേറ്റിട്ടില്ലെന്നും പോലീസ് വ്യക്തമാക്കി.
Discussion about this post