തിരുവനന്തപുരം : സർക്കാരിനെതിരെ ഗവർണർക്ക് റിപ്പോർട്ട് സമർപ്പിച്ച് ലോകായുക്തയുടെ അസാധാരണ നടപടി. കേരള ഓട്ടോമൊബൈൽ ലിമിറ്റഡിലെ വിരമിച്ച ജീവനക്കാർക്ക് ആനുകൂല്യം നൽകാത്ത സർക്കാർ നടപടിക്ക് എതിരെയാണ് ലോകായുക്ത ഗവർണർക്ക് റിപ്പോർട്ട് സമർപ്പിച്ചിട്ടുള്ളത്.
വിഷയത്തിൽ സർക്കാരിന്റെയും കെഎഎല്ലിന്റെയും വിശദീകരണം തൃപ്തികരമല്ലെന്ന് കാട്ടിയാണ് ലോകായുക്ത ഗവർണർക്ക് റിപ്പോർട്ട് നൽകിയിരിക്കുന്നത്. ലോകായുക്ത അധികാരങ്ങൾ വെട്ടിക്കുറച്ച് സർക്കാർ നിർമ്മിച്ച നിയമം പ്രാബല്യത്തിൽ വന്നിട്ടും ഈ നിയമത്തിലുള്ള പഴുതിലൂടെയാണ് ലോകായുക്ത സർക്കാരിനെതിരെ അസാധാരണ നടപടി സ്വീകരിച്ചിരിക്കുന്നത്.
വിരമിച്ചതിനുശേഷം സർക്കാരിൽ നിന്നും ലഭിക്കേണ്ട ആനുകൂല്യങ്ങൾ ലഭിക്കാതെ ആയതിനെ തുടർന്നാണ് കെഎഎല്ലിലെ ജീവനക്കാർ ലോകായുക്തയിൽ പരാതി നൽകിയിരുന്നത്. സംഭവത്തെക്കുറിച്ച് ലോകായുക്ത സർക്കാരിനോടും കെഎഎല്ലിനോടും വിശദീകരണം തേടിയിരുന്നു. കമ്പനിക്കാണ് ഉത്തരവാദിത്വം എന്ന് കാണിച്ച് സർക്കാർ വിഷയത്തിൽ നിന്നും കൈ കഴുകി. കമ്പനി നഷ്ടത്തിൽ ആയതിനാൽ പണം നൽകാനാവില്ല എന്ന് കാണിച്ച് കെഎഎല്ലും തടിയൂരിയതോടെയാണ് ലോകായുക്ത ഈ വിഷയത്തെക്കുറിച്ച് ഗവർണർക്ക് റിപ്പോർട്ട് നൽകിയിരിക്കുന്നത്.
Discussion about this post