രാജാക്കന്മാരെ തകർത്ത് ഉദയ സൂര്യൻ; രണ്ട് ഓവർ ബാക്കി നിൽക്കെ സൺ റൈസേഴ്‌സ് ഹൈദരാബാദിന് ത്രസിപ്പിക്കുന്ന ജയം

ഹൈദരാബാദ്: നിലവിലെ ചാമ്പ്യന്മാരായ ചെന്നൈയെ സ്വന്തം തട്ടകത്തിൽ ആധികാരികമായി തോൽപിച്ച് സൺ റൈസേഴ്‌സ് ഹൈദരബാദ് .20 ഓവറിൽ 165 റൺസ് എടുത്ത ചെന്നൈയെ ഏതാണ്ട് രണ്ട് ഓവർ ബാക്കി നിൽക്കെ തോൽപിച്ചാണ് സൺ റൈസേഴ്‌സ് ചെന്നൈക്ക് മേൽ തങ്ങളുടെ ആധിപത്യം പ്രകടമാക്കിയത്.

ആദ്യം ബാറ്റ് ചെയ്ത ചെന്നൈ സൂപ്പർ കിങ്സിന് വേണ്ടി ശുഭം ദുബയ് മികച്ച കളി പുറത്തെടുത്തുവെങ്കിലും, മറ്റുള്ളവർക്ക് തിളങ്ങാനായില്ല.

ആദ്യം ബാറ്റ് ചെയ്ത ചെന്നൈ സൂപ്പര്‍കിംഗ്‌സ് 20 ഓവറില്‍ അഞ്ച് വിക്കറ്റ് നഷ്ടത്തില്‍ 165 റൺസ് നേടിയപ്പോൾ . 24 പന്തില്‍ നാല് സിക്‌സും രണ്ട് ഫോറും സഹിതം 45 റണ്‍സെടുത്ത ശിവം ദൂബെയാണ് സിഎസ്‌കെ നിരയില്‍ തിളങ്ങിയത്. താരം പുറത്താകുമ്പോള്‍ 13.4 ഓവറില്‍ 119 എന്ന നിലയിലായിരുന്നു ചെന്നൈ. എന്നാല്‍ പിന്നീട് അവസാന ഓവറുകളില്‍ രണ്‍ നിരക്ക് ഉയര്‍ത്താന്‍ ചെന്നൈ ബാറ്റര്‍മാര്‍ക്ക് കഴിഞ്ഞില്ല.

രണ്ടാം ഇന്നിംഗ്സ് തുടങ്ങിയപ്പോൾ മുതൽ അക്രമണോല്സുകമായ കളിയാണ് സൺ റൈസേഴ്‌സ് പുറത്തെടുത്തത്. 12 പന്തില്‍ നിന്ന് നാല് സിക്‌സറുകളും മൂന്ന് ബൗണ്ടറിയും ഉള്‍പ്പെടെ 37 റണ്‍സ് നേടിയ അഭിഷേക് ശര്‍മ്മ തകര്‍പ്പന്‍ തുടക്കം നൽകിയപ്പോൾ . ഓപ്പണര്‍ ട്രാവിസ് ഹെഡ് 31(24) റണ്‍സ് നേടി. എയ്ഡന്‍ മാര്‍ക്രം 50(36) അര്‍ദ്ധ സെഞ്ച്വറി നേടി. ഷാബാസ് അഹമ്മദ് 18(19) റണ്‍സ് നേടി പുറത്തായി. നിതീഷ് കുമാര്‍ റെഡ്ഡി 14*(8), ഹെയ്ന്റിച്ച് ക്ലാസന്‍ 10*(11) എന്നിവര്‍ പുറത്താകാതെ നിന്നു