തുടർച്ചയായ അവഗണനകളിൽ പ്രതിഷേധിച്ച് പോർച്ചുഗൽ ദേശീയ ടീം ക്യാമ്പ് വിട്ട് ക്രിസ്റ്റ്യാനോ റൊണാൾഡോ. ഡെൻമാർക്കിനെതിരായ യുവേഫ നേഷൻസ് ലീഗ് മത്സരത്തിന് മുന്നോടിയായാണ് നാടകീയ സംഭവങ്ങൾ അരങ്ങേറിയത്. നാളത്തെ മത്സരത്തിൽ റൊണാൾഡോ ആദ്യ ഇലവനിൽ ഉണ്ടാകില്ലെന്ന് കോച്ച് ജോർജ് ജെസസ് വ്യക്തമാക്കിയതിനെ തുടർന്നാണ് താരം ക്യാമ്പ് വിട്ടത്. ഇതിന് മുൻപ് നോർവെക്കെതിരായ മത്സരത്തിലും റൊണാൾഡോയ്ക്ക് ബെഞ്ചിൽ ഇരിക്കേണ്ടി വന്നിരുന്നു.
കോച്ചിന്റെ തീരുമാനത്തിൽ പ്രതിഷേധിച്ചും ടീം മാനേജ്‌മെന്റുമായുള്ള അഭിപ്രായവ്യത്യാസങ്ങളെത്തുമാണ് റൊണാൾഡോ ക്യാമ്പിൽ നിന്ന് പുറത്തുപോയത്. പ്രസിഡന്റുമായി സംസാരിച്ച ശേഷം താരം സോഷ്യൽ മീഡിയയിലൂടെയാണ് ക്യാമ്പ് വിടുന്ന വിവരം പുറത്തുവിട്ടത്. സംഭവത്തിന് പിന്നാലെ റൊണാൾഡോയുടെ സഹോദരി എൽമ അവെയ്റോയും വിവാദ പോസ്റ്റുമായി രംഗത്തെത്തി.
പോർച്ചുഗീസ് ഫുട്ബോൾ ഫെഡറേഷനെയും മാധ്യമങ്ങളെയും കടുത്ത ഭാഷയിൽ വിമർശിക്കുന്ന ഫാൻസ്‌ പേജ് പോസ്റ്റ് പങ്കുവെച്ചുകൊണ്ട് ‘എല്ലാ കാര്യങ്ങളും ഇതിൽ വ്യക്തമാണ്’ എന്ന് അവർ കുറിച്ചു. എന്നാൽ എല്ലാവർക്കും ഒരേ നിയമമാണ് ബാധകമെന്നും ടീമിന്റെ തന്ത്രപരമായ ആവശ്യങ്ങൾ മുൻനിർത്തിയാണ് തീരുമാനങ്ങൾ എടുക്കുന്നതെന്നുമാണ് കോച്ച് ജോർജ് ജെസസിന്റെ വിശദീകരണം.
