ചെന്നൈ: സിനിമാ ലോകം ഏറൈ കാത്തിരിക്കുന്ന ചിത്രമാണ് ഉലകനായകൻ കമൽ ഹാസന്റെ ഇന്ത്യൻ 2. കമൽ ഹാസന്റെ ജന്മദിനത്തിലാണ് ചിത്രത്തിന്റെ ഫസ്റ്റ് ഇൻട്രോ പുറത്തുവിട്ടത്. ഇപ്പോഴിതാ ചിത്രത്തിന്റെ റിലീസ് സംബന്ധിച്ച് വമ്പൻ അപ്ഡേറ്റ് പുറത്തു വിട്ടിരിക്കുകയാണ് അണിയറ പ്രവർത്തകർ.
ജൂണിലായിരിക്കും ചിത്രത്തിന്റെ റിലീസ് എന്നതാണ് പുതിയ അപ്ഡേറ്റ്. നിറമ്മാതാക്കളായ ലൈക്ക പ്രൊഡക്ഷൻസാണ് ഇക്കാര്യം അറിയിച്ചിരിക്കുന്നത്. റിലീസ് ഡേറ്റ് എന്നാണെന്ന് ഇതുവരെ അറിയിച്ചിട്ടില്ല്. ലോക്സഭാ തിരഞ്ഞെടുപ്പിന് ശേഷമേ ചിത്രത്തിന്റെ റിലീസ് ഉണ്ടാകൂ എന്ന് നേരത്തെ നിർമ്മാതാക്കൾ അറിയിച്ചിരുന്നു.
എല്ലാ തെന്നിന്ത്യൻ ഭാഷകളിലും ചിത്രം റിലീസ് ചെയ്യുമെന്നാണ് വിവരം. റെഡ് ജൈന്റ് മൂവിസാണ് തമിഴ്നാട്ടിൽ ഇന്ത്യൻ 2 വിതരണത്തിന് എടുത്തിരിക്കുന്നത്. ഇന്ത്യൻ സിനിമയ്ക്ക് മൂന്നാം ഭാഗവും ഉണ്ടാകകുമെന്ന് കമൽ ഹാസൻ നേരത്തെ അറിയിച്ചിരുന്നു. ഇതിന്റെ ചിത്രീകരണം പൂർത്തിയാക്കിയതായും താരം അറിയിച്ചിട്ടുണ്ട്. സുഭാസ്കരൻ അല്ലിരാജയുടെ ലൈക്ക പ്രൊഡക്ഷൻസും കമൽ ഹാസൻറെ രാജ്കമൽ ഫിലിംസും ഉദയനിധി സ്റ്റാലിന്റെ റെഡ് ജയൻറ് മൂവീസും ചേർന്നാണ് ഇന്ത്യൻ 3 നിർമ്മിക്കുന്നത്.
