“ഇതൊരു സാധാരണ തിരഞ്ഞെടുപ്പല്ല ” ബി ജെ പി സ്ഥാനാർത്ഥികൾക്ക് വൈകാരികമായ കത്തെഴുതി പ്രധാനമന്ത്രി നരേന്ദ്ര മോദി

ന്യൂഡൽഹി: 2024 ലോക് സഭാ ഇലക്ഷന്റെ ഒന്നാം ഘട്ടം പടിവാതിലിൽ എത്തി നിൽക്കെ രാജ്യവ്യാപകമായി ബി ജെ പിക്ക് വേണ്ടി മത്സരിക്കുന്ന സ്ഥാനാർത്ഥികൾക്ക് വൈകാരികമായ കത്തെഴുതി പ്രധാനമന്ത്രി നരേന്ദ്ര മോദി.

വികസിത ഇന്ത്യ എന്ന മഹത്തായ ലക്ഷ്യം സാക്ഷാത്കരിക്കുന്നതിന് അവർ വിജയിക്കേണ്ടതുണ്ടെന്ന് പ്രസ്താവിച്ചും അവരുടെ കഴിവുകളെയും സാധ്യതകളെയും കുറിച്ച് ആത്മവിശ്വാസം പ്രകടിപ്പിച്ചും ബിജെപിയുടെ സ്ഥാനാർത്ഥികളുടെ സംഭാവനകൾ ഉയർത്തിക്കാട്ടിയാണ് പ്രധാനമന്ത്രി ഓരോരുത്തർക്കും കത്തയച്ചിട്ടുള്ളത്.

“ഇത് ഒരു സാധാരണ തിരഞ്ഞെടുപ്പല്ലെന്ന് നിങ്ങളുടെ നിയോജക മണ്ഡലത്തിലെ ജനങ്ങളോട് നിങ്ങൾ പറയുവാൻ ഞാൻ ആഗ്രഹിക്കുന്നു. ഇന്ത്യയിലുടനീളമുള്ള കുടുംബങ്ങൾ, പ്രത്യേകിച്ച് മുതിർന്ന അംഗങ്ങൾ, 5-6 ദശാബ്ദക്കാലത്തെ കോൺഗ്രസിൻ്റെ ഭരണത്തിൽ അവർ അനുഭവിച്ച ബുദ്ധിമുട്ടുകൾ ഓർക്കുന്നവരാണ്. കഴിഞ്ഞ 10 വർഷങ്ങളായി സമൂഹത്തിലെ എല്ലാ വിഭാഗങ്ങളുടെയും ജീവിതനിലവാരം മെച്ചപ്പെട്ടു, ഈ പ്രശ്‌നങ്ങളിൽ പലതും നമ്മൾ ഇല്ലാതാക്കി, എങ്കിലും ഇനിയും ഒരുപാട് കാര്യങ്ങൾ നമുക്ക് ചെയ്യാനുണ്ട്, എല്ലാവർക്കും മെച്ചപ്പെട്ട ജീവിതം ഉറപ്പാക്കാനുള്ള ഞങ്ങളുടെ ദൗത്യത്തിൽ ഈ തിരഞ്ഞെടുപ്പ് നിർണായകമാകും,” അദ്ദേഹം തന്റെ കത്തിൽ എഴുതി