ദുബായ് വെള്ളപ്പൊക്കം: കനത്ത മഴയെത്തുടർന്ന് എയർ ഇന്ത്യ വിമാനങ്ങൾ റദ്ദാക്കി, യാത്രക്കാർക്ക് പണം തിരികെ നൽകും

ന്യൂഡൽഹി: കനത്ത മഴയെത്തുടർന്ന് ദുബായിലേക്കും തിരിച്ചുമുള്ള സർവീസുകൾ റദ്ദാക്കിയതായി എയർ ഇന്ത്യ അറിയിച്ചു.യുണൈറ്റഡ് അറബ് എമിറേറ്റ്സിൽ കനത്ത മഴ പെയ്യുകയും വെള്ളപ്പൊക്കത്തിന് സമാനമായ സാഹചര്യമുണ്ടാക്കുകയും ചെയ്ത സാഹചര്യത്തിലാണ് ഇത്.

ഏപ്രിൽ 21 വരെ യാത്രയ്‌ക്കായി ഫ്ലൈറ്റുകൾ ബുക്ക് ചെയ്ത ഉപഭോക്താക്കൾക്ക് റീഷെഡ്യൂൾ ചെയ്‌താൽ ഒറ്റത്തവണ ഇളവും റദ്ധാക്കിയാൽ മുഴുവൻ പണവും തിരികെ നൽകുമെന്നും എയർ ഇന്ത്യ കൂട്ടിച്ചേർത്തു.

മോശം കാലാവസ്ഥ കാരണം ദുബായ് എയർപോർട്ടിൽ തുടർച്ചയായി പ്രവർത്തന തടസ്സപ്പെടുന്നത് കാരണം ദുബായിലേക്കും തിരിച്ചുമുള്ള ഫ്ലൈറ്റുകൾ താൽക്കാലികമായി റദ്ധാക്കേണ്ടി വന്നിരിക്കുന്നു. പ്രവർത്തനം പുനരാരംഭിച്ചാലുടൻ ദുബായിൽ ഇപ്പോൾ കുടുങ്ങി കിടക്കുന്നവരെ അവരുടെ ലക്ഷ്യ സ്ഥാനത്ത് എത്തിക്കുന്നതായിരിക്കും. എയർ ഇന്ത്യ കൂട്ടിച്ചേർത്തു.

2024 ഏപ്രിൽ 21 വരെയുള്ള യാത്രയ്‌ക്കായി സാധുതയുള്ള ടിക്കറ്റുകൾ ഉപയോഗിച്ച് ഞങ്ങളുടെ ഫ്ലൈറ്റുകളിൽ ബുക്ക് ചെയ്‌ത ഉപഭോക്താക്കൾക്ക് അവരുടെ യാത്ര റീഷെഡ്യൂൾ ചെയ്യുന്ന പക്ഷം ഒറ്റത്തവണ ഇളവും അതെ സമയം ഫ്ലൈറ്റ് ശ്രദ്ധക്കുകയാണെങ്കിൽ മുഴുവൻ റീഫണ്ടും ലഭിക്കുന്നതായിരിക്കും ,” എയർ ഇന്ത്യ സോഷ്യൽ മീഡിയ പ്ലാറ്റ്‌ഫോമായ X-ൽ പോസ്റ്റ് ചെയ്തു.

കൂടുതൽ വിവരങ്ങൾക്കായി എയർ ഇന്ത്യയുടെ 24/7 കോൺടാക്റ്റ് സെൻ്ററിൽ 011-69329333 / 011-69329999 എന്ന നമ്പറിൽ വിളിക്കുകയോ ഔദ്യോഗിക വെബ്സൈറ്റ് ആയ http://airindia.com സന്ദർശിക്കുയോ ചെയ്യുക എയർ ഇന്ത്യ കൂട്ടിച്ചേർത്തു.