ഗാന്ധിനഗർ: ലോക്‌സഭാ തിരഞ്ഞെടഒപ്പിന് മുന്നോടിയായുള്ള പ്രചാരണ പരിപാടികൾക്കായി പ്രധാനമന്ത്രി നരേന്ദ്ര മോദി ഇന്ന് ഗുജറാത്തിൽ. രണ്ട് ദിവസത്തെ സന്ദർശനത്തിനായാണ് പ്രധാനമന്ത്രി സംസ്ഥാനത്തെത്തുന്നത്. പതിനൊന്ന് മണ്ഡലങ്ങളിലെ പ്രചാരണ പരിപാടികളിൽ പങ്കെടുക്കുന്ന മോദി 6 റാലികൾ നടത്തുമെന്നാണ് റിപ്പോർട്ട്.
ആനന്ദ്, സുരേന്ദ്രനഗറിലെ വാധ്‌വാൻ, ജുനഗഡ്, ജാംനഗർ, ബനസ്‌കന്തയിലെ ദീസ, സബർകാന്തയിലെ ഹിമ്മത്‌നഗർ എന്നിവിടങ്ങളിലാണ് റാലി നടക്കുക. വഡോദരയിലും പ്രധാനമന്ത്രി റോഡ് ഷോ നടത്തും.
മെയ് 7നാണ് ഗുജറാത്തിൽ സൂറത്ത് ഒഴികെയുള്ള 25 മണ്ഡലങ്ങളിൽ പോളിംഗ് നടക്കുക. സൂറത്ത് മണ്ഡലത്തിൽ ബിജെപി സ്ഥാനാർത്ഥി മുകേഷ് ദലാൽ എതിരില്ലാതെ തിരഞ്ഞെടുക്കപ്പെട്ടതിനാൽ മണ്ഡലത്തിൽ പോളിംഗ് നടക്കില്ല. മെയ് അഞ്ചോടെ സംസ്ഥാനത്ത് പരസ്യ പ്രചാരണം അവസാനിക്കും.
കഴിഞ്ഞ ദിവസം കേന്ദ്ര ആഭ്യന്തരമന്ത്രി അമിത് ഷാ ഗുജറാത്തിൽ പ്രചാരണത്തിൽ പങെക്ടുത്തിരുന്നു. പ്രധാനമന്ത്രി നരേന്ദ്ര മോദി മൂന്നാം തവണയും അധികാരത്തിൽ വന്നാൽ രാജ്യത്തെ ഭീകരവാദം തുടച്ചു നീക്കുമെന്ന് അദ്ദേഹം ഉറപ്പു നൽകി.
Discussion about this post