ബെംഗളൂരു: ലൈംഗികാതിക്രമത്തിനും ബലാത്സംഗവും നടത്തിയെന്ന ആരോപണം നിലനിൽക്കുന്ന ജനതാ ദൾ നേതാവ് പ്രജ്ജ്വൽ രേവണ്ണയുമായി ബന്ധപ്പെട്ട തട്ടിക്കൊണ്ടു പോകൽ കേസിൽ അദ്ദേഹത്തിന്റെ പിതാവും ജെഡിഎസ് നേതാവുമായ എച്ച്‌ഡി രേവണ്ണയെ ശനിയാഴ്ച എസ്ഐടി ഉദ്യോഗസ്ഥർ കസ്റ്റഡിയിലെടുത്തു. ബംഗളൂരുവിലെ കെആർ നഗർ പോലീസ് സ്റ്റേഷനിൽ ഇരയുടെ കുടുംബം തട്ടിക്കൊണ്ടുപോകൽ പരാതിയെ തുടർന്നാണിത്. കർണാടക മുൻ മുഖ്യമന്ത്രി എച് ഡി ദേവഗൗഡയുടെ മകനാണ് എച് ഡി രേവണ്ണ.
എച്ച്‌ഡി രേവണ്ണയുടെ മകൻ പ്രജ്വൽ രേവണ്ണയ്‌ക്കെതിരെ നിരവധി ലൈംഗികാരോപണങ്ങൾ ആണ് നിലവിലുള്ളത് . എച് ഡി രേവണ്ണ നൽകിയ മുൻകൂർ ജാമ്യാപേക്ഷ കോടതി തള്ളിയതിനെ തുടർന്നാണ് പ്രത്യേക അന്വേഷണ സംഘം ഇയാളെ പിടികൂടിയത്.
ഇരയായ സ്ത്രീയുടെ മകനാണ് തട്ടിക്കൊണ്ടുപോകൽ പരാതി നൽകിയത്, ഇതേ തുടർന്ന് കർണാടക പോലീസ് അവരെ കണ്ടെത്തിയിരുന്നു . എസ്ഐടി ഉദ്യോഗസ്ഥരുമായി അവർ ഉടൻ തന്നെ ആശയ വിനിമയം നടത്തുമെന്നാണ് സൂചന.
Discussion about this post