കൊച്ചി: ജയിലിലായിരിക്കുമ്പോള്‍ സരിത എഴുതിയ കത്തുകള്‍ സോളാര്‍ കമ്മീഷനു മുന്നില്‍ ഹാജരാക്കണമെന്ന ഉത്തരവ് ഹൈക്കോടതി സ്റ്റേ ചെയ്തു. രണ്ടാഴ്ചത്തേക്കാണ് സ്റ്റേ. സരിത നല്‍കിയ ഹര്‍ജി പരിഗണിച്ചാണ് സ്റ്റേ.
സോളാര്‍ കമ്മീഷന്‍ അധ്യക്ഷന്‍ ജസ്റ്റിസ് ജി. ശിവരാജനാണ് കത്ത് സരിതയോട് ഹാജരാക്കണമെന്ന് നിര്‍ദേശിച്ചത്. ഈ മാസം 27ന് മൊഴി നല്‍കാനെത്തുമ്പോള്‍ കത്ത് ഹാജരാക്കാനായിരുന്നു സോളാര്‍ സരിതയോട് നിര്‍ദ്ദേശിച്ചത്. എന്നാല്‍, കത്ത് തന്റെ സ്വകാര്യതയാണെന്നും അത് ഹാജരാക്കാന്‍ കഴിയില്ലെന്നും സരിത കമ്മിഷനെ അറിയിച്ചിരുന്നു.
അതേ സമയം സോളാര്‍ കമ്മീഷന്‍ മനുഷ്യത്വരഹിതമായാണ് പെരുമാറുന്നതെന്ന് സരിത ആരോപിച്ചു. വ്യക്തിപരമായി മുറിവേല്‍പ്പിക്കുന്ന ചോദ്യങ്ങള്‍ പൊതുജനങ്ങള്‍ കേള്‍ക്കെ ചോദിയ്ക്കുന്നെന്നും ഇത്തരം നടപടികളോട് സഹകരിക്കില്ലെന്നും അവര്‍ മാധ്യമപ്രവര്‍ത്തകരോട് പറഞ്ഞു.
Discussion about this post