ലാലേട്ടൻ ഫാൻസ് അത്യന്തം ആഘോഷഭരിതമാക്കിയ ഒരു ദിവസമായിരുന്നു മെയ് 21. നമ്മുടെ സ്വന്തം ലോലേട്ടന്റെ പിറന്നാൾ ദിനമായിരുന്നു കഴിഞ്ഞ ദിവസം . പതിനേഴാം വയസ്സ് മുതൽ സിനിമയിൽ തകർത്ത് ആടുകയും ,വ്യത്യ്സത കഥാപാത്രങ്ങളിലൂടെ പ്രേക്ഷകരുടെ മനം കവർന്ന് കൊണ്ടിരിക്കുകയാണ് താരം. ഇപ്പോഴിതാ താരത്തിന്റെ പിറന്നാൾ ആഘോഷങ്ങളിലെ ഒരു ക്യൂട്ട് വീഡിയോ ആണ് വൈറലാവുന്നത്.
കുടുംബത്തിനും സുഹൃത്തുക്കൾക്കൊപ്പം കേക്ക് കട്ട് ചെയ്യുന്ന ലാലേട്ടന്റെയും ഭാര്യ സുചിത്രയുടെയും വീഡിയോ ആണ് ആരാധകർ ഏറ്റെടുത്തിരിക്കുന്നത്. കേക്ക് മുറി കഴിഞ്ഞ് കേക്കിൽ നിന്നൊരു സ്ട്രോബറി സുചിത്രയ്ക്ക് വായിൽ വച്ച് കൊടുക്കാൻ ശ്രമിക്കുമ്പോൾ എനിക്ക് സ്ട്രോബറി ഇഷ്ടം അല്ലെന്നു പറയുകയാണ് സുചിത്ര.
മാത്രമല്ല ചെറിയ ഒരു പീസ് കേക്ക ലാൽ സുചിത്രക്ക് വായിൽ വച്ച് കൊടുത്ത് കൈ എടുക്കാൻ ശ്രമിച്ചപ്പോൾ കൈയ്യിൽ ഒറ്റ കടി കടിക്കുന്ന സുചിത്രയുടെ ദൃശ്യങ്ങളാണ് സോഷ്യൽ മീഡിയ ഇപ്പോൾ കൈയടക്കിയിരിക്കുന്നത്. വീഡിയോയിലെ കൗതുകം ആരാധകർ തന്നെ ചൂണ്ടി കാട്ടിയിരന്നു. വീഡിയോക്ക് താഴെയായി നിരവധി കമ്മന്റുകളാണ് ആരാധകർ കുറിക്കുന്നത്.
മുപ്പത്തിയഞ്ചു വർഷത്തോളമായി ഇരുവരും വിവാഹിതരായിട്ട്. ഇരുവരുടെയും പ്രണയവിവാഹമായിരുന്നു. ഒരു ആരാധിക എന്ന നിലയിൽ സുചിത്രക്ക് തോന്നിയ ഇഷ്ടമാണ് പിന്നീട് മോഹൻലാലിന്റെ ജീവിതത്തിലേക്ക് സുചിത്രയെ എത്തിച്ചത്. ലാലേട്ടനെ നേരിൽ കാണുന്നതിന് മുമ്പ് തന്നെ ആശംസാ കാർഡുകളും പൂക്കളും സുചിത്ര അയച്ചു നൽകുമായിരുന്നു. പിന്നീട്, ചില പൊതു സുഹൃത്തുക്കൾ വഴിയാണ് ദമ്പതികൾ കണ്ടുമുട്ടിയതും പ്രണയം പൂവണിഞ്ഞതും .
Discussion about this post