തിരുവനന്തപുരം: സംസ്ഥാനത്ത് ഇക്കുറി കാലവർഷം കനക്കുമെന്ന് കാലാവസ്ഥാ നിരീക്ഷണ കേന്ദ്രം. പസഫിക് സമുദ്രത്തിൽ ലാ നാ പ്രതിഭാസം ഉണ്ടാകുന്നതാണ് മഴ കനക്കുന്നതിന് കാരണം ആകുന്നത്. ഇക്കുറി മഴക്കാലത്ത് പതിവിലും കൂടുതൽ മഴ ലഭിക്കുമെന്നും കാലാവസ്ഥാ നിരീക്ഷണ കേന്ദ്രം അറിയിക്കുന്നു.
അഞ്ച് ദിവസത്തിനുള്ളിൽ കാലവർഷം കേരളത്തിൽ എത്തുമെന്നാണ് പ്രവചനം. ജൂൺ മാസത്തിൽ മഴ സാധാരണത്തേതിനേക്കാൾ കൂടുതൽ ആയിരിക്കും. പസഫിക് സമുദ്രത്തിലെ എൽ നിനോ പ്രതിഭാസം ദുർബലമായിട്ടുണ്ട്. തെക്ക് പടിഞ്ഞാറൻ കാലവർഷത്തിൽ മഴ കുറയാൻ കാരണമാകുന്ന പ്രതിഭാസം ആണ് ഇത്. എൽ നിനോ ദുർബലപ്പെടുന്നത് സംസ്ഥാനത്ത് മഴ കനക്കാൻ ഇടയാക്കും. ഇക്കുറി 106 ശതമാനം വരെ മഴ ലഭിക്കുമെന്നാണ് പ്രതീക്ഷിക്കുന്നത്.
ലാ നിനോ പ്രതിഭാസത്തിനൊപ്പം ഇന്ത്യൻ ഓഷ്യൻ ഡയപോൾ (ഐഒഡി) എന്ന പ്രതിഭാസത്തിനും സാദ്ധ്യതയുണ്ട്. ഇതും കേരളത്തിൽ കൂടുതൽ മഴ ലഭിക്കുന്നതിനുള്ള അനുകൂല സാഹചര്യം സൃഷ്ടിക്കും. അറബിക്കടലിന് ചൂട് കൂടുകയും ബംഗാൾ ഉൾക്കടലിന് ചൂട് കുറയ്ക്കുകയും ചെയ്യുന്ന പ്രതിഭാസമാണ് ഐഒഡി.
Discussion about this post