വീണ്ടും കുതിപ്പ്; ജനുവരി-മാർച്ച് പാദത്തിൽ 7.8% വളർച്ച കൈവരിച്ച് ഇന്ത്യൻ സമ്പദ് വ്യവസ്ഥ

ന്യൂഡൽഹി: മുൻ പാദത്തിലെ വളർച്ചയുമായി താരതമ്യപ്പെടുത്തുമ്പോൾ ചെയ്യുമ്പോൾ ജനുവരി-മാർച്ച് പാദത്തിൽ 7.8% വളർച്ച നേടി ഇന്ത്യൻ സമ്പദ് വ്യവസ്ഥ.

മുൻ പാദത്തിലെ 11.5% പുതുക്കിയ വിപുലീകരണവുമായി താരതമ്യപ്പെടുത്തുമ്പോൾ മാർച്ചിൽ അവസാനിക്കുന്ന മൂന്ന് മാസങ്ങളിൽ നിർമ്മാണ മേഖലയിലെ ഉൽപ്പാദനം 8.9% വർദ്ധിച്ചിട്ടുണ്ട്. അതേസമയം മുൻ പാദത്തിലെ 0.4% വളർച്ചയെ അപേക്ഷിച്ച് കാർഷിക മേഖലയുടെ വളർച്ച 0.6% ആയി ഉയർന്നു.

ദേശീയ സ്റ്റാറ്റിസ്റ്റിക്കൽ ഓഫീസിൽ നിന്നുള്ള കണക്കുകൾ പ്രകാരം, 2022-23 സാമ്പത്തിക വർഷത്തിലെ 7 ശതമാനം വളർച്ചയിൽ നിന്ന് 2023-24 ൽ ഇന്ത്യൻ സമ്പദ്‌വ്യവസ്ഥ 8.2 ശതമാനം ആണ് വികസിച്ചത്.

അതേസമയം ഈ വർഷം ഇന്ത്യ 6.8 ശതമാനം വളർച്ച കൈവരിക്കുമെന്നാണ് മൂഡീസ് റേറ്റിംഗുകൾ പ്രവചിച്ചത്. ലോകത്തിലെ തന്നെ ഏറ്റവും മികച്ച സാമ്പത്തിക ഏജൻസികളിൽ ഒന്നായ മൂഡീസിന്റെ പ്രവചനത്തെ പ്പോലും ഞെട്ടിച്ചാണ് ഇന്ത്യൻ സമ്പദ് വ്യവസ്ഥ കുതിക്കുന്നത്. ശക്തമായ സാമ്പത്തിക വികാസവും തെരഞ്ഞെടുപ്പിന് ശേഷമുള്ള നയ തുടർച്ചയും ചൂണ്ടിക്കാട്ടി 2025ലും ഏറ്റവും കുറഞ്ഞത് 6.5 ശതമാനവും വളർച്ച ഇന്ത്യൻ സമ്പദ് വ്യവസ്ഥ കൈവരിക്കും എന്നാണ് മൂഡീസ് വ്യക്തമാക്കുന്നത്.