ലണ്ടൻ : ഇന്ത്യയിൽ നരേന്ദ്രമോദി സർക്കാർ മൂന്നാമതും അധികാരത്തിൽ എത്തിയതിന്റെ വിജയാഘോഷങ്ങളുടെ ഭാഗമായി യുകെയിൽ ഓഫ് ബിജെപി കൂട്ടായ്മ ആഘോഷച്ചടങ്ങ് സംഘടിപ്പിച്ചു. മുൻ വനിത ശിശുവികസന ന്യൂനപക്ഷകാര്യ മന്ത്രിയായിരുന്ന സ്മൃതി ഇറാനി ആയിരുന്നു വിശിഷ്ടാതിഥിയായി പങ്കെടുത്തത്. ആഘോഷച്ചടങ്ങിൽ നിരവധി യുകെ പ്രവാസികൾ പങ്കെടുത്തു.
ബിജെപിയുടെ വിദേശകാര്യവകുപ്പ് ഇൻചാർജ് ആയ വിജയ് ചൗതൈവാലയും യുകെയിലെ ഓഫ് ബിജെപി കൂട്ടായ്മ നടത്തിയ ആഘോഷത്തിൽ വിശിഷ്ടാതിഥിയായി പങ്കെടുത്തു. ജൂൺ 23ന് യുകെയിലെ ഇന്ത്യൻ ജിംഖാന ക്ലബ്ബിൽ ആയിരുന്നു ആഘോഷ പരിപാടികൾ സംഘടിപ്പിച്ചത്. ഉച്ചയ്ക്ക് ഒരു മണിക്ക് ആരംഭിച്ച ആഘോഷങ്ങളിൽ പങ്കെടുത്തവർക്കായി പ്രത്യേക ഉച്ചവിരുന്നും ഒരുക്കിയിരുന്നു. ഇന്ത്യയുടെ ചരിത്രത്തിലെ സുപ്രധാന നാഴികക്കല്ല് ആഘോഷിക്കാൻ കഴിഞ്ഞതിൽ സന്തുഷ്ടരാണെന്ന് യുകെ പ്രവാസികൾ വ്യക്തമാക്കി.
Discussion about this post