തിരുവനന്തപുരം : കേരളത്തിൽ നിന്നും ദുബായിലേക്ക് പോകാനായി യാത്രാ കപ്പൽ സർവീസ് ഉടൻ ആരംഭിക്കുമെന്ന് സംസ്ഥാന സർക്കാർ. ഈ പദ്ധതിക്കായി ആദ്യഘട്ടത്തിൽ 12 കോടി രൂപയുടെ പ്രവർത്തനം നടത്തുമെന്ന് മന്ത്രി വി എൻ വാസവൻ അറിയിച്ചു. കപ്പൽ സർവീസ് ആരംഭിക്കുന്നതിനുള്ള പ്രവർത്തനങ്ങൾ നടത്തുന്നതിനായി രണ്ട് ഏജൻസികളെ സർക്കാർ തിരഞ്ഞെടുത്തിട്ടുണ്ട്.
ദുബായിലേക്കുള്ള യാത്ര കൂടാതെ കേരളത്തിലെയും മറ്റു സംസ്ഥാനങ്ങളിലെയും തുറമുഖങ്ങളെ തമ്മിൽ ബന്ധിപ്പിച്ചും വിദേശ തുറമുഖങ്ങളുമായി സഹകരിച്ചും ടൂറിസം രംഗത്ത് പ്രവർത്തനം നടത്താനും സംസ്ഥാന സർക്കാരിന് ആലോചനയുണ്ട്. ടൂറിസം, കയറ്റുമതി എന്നീ മേഖലകൾക്ക് ‘കെ-ഷിപ്പ്’ ഗുണകരമാകും എന്നാണ് സംസ്ഥാനത്തിന്റെ പ്രതീക്ഷ.
പദ്ധതിയുടെ ട്രയൽ റൺ ജൂൺ ജൂലൈ മാസങ്ങളിലായി നടത്തും. വിഴിഞ്ഞം തുറമുഖം പ്രവർത്തനം ആരംഭിക്കുന്നതോടെ അവിടം കേന്ദ്രീകരിച്ച് പ്രവർത്തിക്കും. വിഴിഞ്ഞം തുറമുഖം എത്രയും പെട്ടെന്ന് കമ്മീഷൻ ചെയ്യുന്നതിനായി 32 ക്രെയിനുകൾ ചൈനയിൽ നിന്നും എത്തിച്ചിട്ടുണ്ട് എന്നും മന്ത്രി വി എൻ വാസവൻ അറിയിച്ചു.
Discussion about this post