ന്യൂഡൽഹി: ദേശീയ ജനാധിപത്യ മുന്നണിയിലെ പാർലമെന്ററി അംഗങ്ങൾക്ക് വളരെ നിർണ്ണായകമായ നിർദ്ദേശം നൽകി പ്രധാനമന്ത്രി.
പാർലമെൻ്ററി നിയമങ്ങളും പെരുമാറ്റവും പാലിക്കാൻ ഭരണകക്ഷിയായ ദേശീയ ജനാധിപത്യ സഖ്യത്തിൻ്റെ (എൻഡിഎ) എംപിമാരോട് പ്രധാനമന്ത്രി നരേന്ദ്ര മോദി ചൊവ്വാഴ്ച ആവശ്യപ്പെട്ടു. എംപിമാർ തങ്ങളുടെ മണ്ഡലങ്ങളുമായി ബന്ധപ്പെട്ട പൗര കാര്യങ്ങളിൽ വൈദഗ്ധ്യം വളർത്തിയെടുക്കണമെന്നും അദ്ദേഹം വ്യക്തമാക്കി.
കൂടാതെ മാദ്ധ്യമങ്ങൾക്ക് മുന്നിൽ അഭിപ്രായം പറയുന്നതിന് മുമ്പ് പ്രസ്തുത വിഷയത്തെ കുറിച്ച് വിശദമായി പഠിക്കണമെന്നും പ്രധാനമന്ത്രി മോദി എംപിമാരോട് ആവശ്യപ്പെട്ടു.
ഓരോ എംപിയും തങ്ങളുടെ നിയോജക മണ്ഡലത്തിലെ കാര്യങ്ങൾ ചട്ടപ്രകാരം സഭയിൽ വളരെ നന്നായി അവതരിപ്പിക്കണം . താൽപ്പര്യമുള്ള മറ്റ് പ്രധാന വിഷയങ്ങളിൽ വൈദഗ്ദ്ധ്യം വികസിപ്പിക്കാനും അദ്ദേഹം എം പി മാരോട് പറഞ്ഞു – അത് വെള്ളമോ, പരിസ്ഥിതിയോ സാമൂഹിക മേഖലയോ ആയിക്കൊള്ളട്ടെ , ആ മേഖലകളിൽ വൈദഗ്ധ്യം വികസിപ്പിക്കാൻ പ്രധാനമന്ത്രി ഞങ്ങളോട് പറഞ്ഞു. പാർലമെൻ്റിൻ്റെ നിയമങ്ങളും പാർലമെൻ്ററി ജനാധിപത്യ സംവിധാനവും നല്ല എംപിയാകാൻ അത്യാവശ്യമായ പെരുമാറ്റവും പാലിക്കണമെന്ന് പ്രധാനമന്ത്രി എൻഡിഎ എംപിമാരോട് അഭ്യർത്ഥിച്ചു.
ആദ്യമായിട്ടാണ് ഒരു കോൺഗ്രസ് ഇതര നേതാവ് തുടർച്ചയായി മൂന്നാം തവണയും ഇന്ത്യയുടെ പ്രധാനമന്ത്രിയാകുന്നത്. ഈ കാരണം കൊണ്ടാണ് പ്രതിപക്ഷം തന്നോട് അസ്വസ്ഥത വച്ച് പുലർത്തുന്നതെന്നും അദ്ദേഹം കൂട്ടിച്ചേർത്തു. എൻഡിഎ എംപിമാരുടെ യോഗത്തെ അഭിസംബോധന ചെയ്തുകൊണ്ട് സംസാരിക്കുകയായിരുന്നു പ്രധാനമന്ത്രി മോദി
അതേസമയം കക്ഷി രാഷ്ട്രീയ ഭേദമന്യേ രാജ്യത്തെ സേവിക്കുക എന്നതാകണം എല്ലാ പാർലമെന്ററി അംഗങ്ങളുടെയും ലക്ഷ്യം എന്നും മോദി കൂട്ടിച്ചേർത്തു.
Discussion about this post