ന്യൂഡൽഹി : ലോക്‌സഭാ തിരഞ്ഞെടുപ്പ് വിജയത്തിന്റെ പശ്ചാത്തലത്തിൽ പ്രധാനമന്ത്രി നരേന്ദ്ര മോദി ഇന്ന് ബിജെപി പ്രവർത്തകരെ അഭിസംബോധന ചെയ്യും. ഡൽഹിയിലെ പാർട്ടി ആസ്ഥാനത്ത് വൈകുന്നേരം 6.30നാണ് പ്രധാനമന്ത്രി പാർട്ടി പ്രവർത്തകരെ കാണുക.
പാർട്ടിയുടെ വിജയം ഉറപ്പാക്കാൻ മൂന്ന് മാസവും 24 മണിക്കൂറും അക്ഷീണം പ്രയത്‌നിച്ച 100- 150 ഓളം പ്രവർത്തകരെ പ്രധാനമന്ത്രി കാണുമെന്ന് ബിജെപി വ്യത്തങ്ങൾ അറിയിച്ചു. ബിജെപിയുടെ വിജയത്തിനായി മാസങ്ങളോളം അഹോരാത്രം പ്രവർത്തിച്ചവരാണ് ബിജെപി നേതാക്കൾ . അവരുടെ ക്ഷേമവിവരങ്ങൾ അന്വേഷിച്ച് ദൈനംദിന പ്രവർത്തനങ്ങളെക്കുറിച്ച് സംവദിക്കുകയാണ് പ്രധാനമന്ത്രിയുടെ ലക്ഷ്യമെന്നും ബിജെപി വൃത്തങ്ങൾ വ്യക്തമാക്കി.
2014 ലും 2019 ലും ലോക്‌സഭാ തിരഞ്ഞെടുപ്പിന് ശേഷം പ്രധാനമന്ത്രി പാർട്ടി പ്രവർത്തകരെ കാണുകയും നന്ദി അറിയിക്കുകയും ചെയ്തിരുന്നു. ഈ കൂടിക്കാഴ്ച അവരുടെ മനോവീര്യം വർദ്ധിപ്പിച്ചിരുന്നു.
Discussion about this post