പാലക്കാട് ജില്ല ആശുപത്രിയില്‍ നഴ്‌സിനെ ക്രൂരമായി മര്‍ദ്ദിച്ച സിപിഎം സംസ്ഥാന സമിതിയംഗവും മുന്‍ എപിയുമായ എംഎന്‍ കൃഷ്ണദാസിനെതിരെ കര്‍ശന നടപടി എടുക്കണമെന്ന ആവശ്യം ശക്തമാകുന്നു. കൃഷ്ണദാസിനെതിരെ ദുര്‍ബലവകുപ്പുകള്‍ ചുമത്തി കേസെടുത്തതിനെതിരെ നാളെ മുതല്‍ ചികിത്സ ബഹിഷക്കരണം നടത്തി പ്രതിഷേധിക്കുകയാണ് ആശുപത്രിയിലെ ആരോഗ്യ വിഭാഗം ജീവനക്കാര്‍. സമരം ശക്തമാക്കാനാണ് ഇവരുടെ തീരുമാനം.
‘സംഭവം നടന്നിട്ട് നാല് ദിവസമായി. കാര്യമായ ഒരു നടരടിയും പോലിസ് സ്വീകരിക്കുന്നില്ല. കൃഷ്ണദാസിനെതിരെ ജാമ്യമില്ലാ വകുപ്പ് ചുമത്തി കേസെടുക്കണം. ഔദ്യോഗിക കൃത്യനിര്‍വ്വഹണം തടസ്സപ്പെടുത്തിയതുള്‍പ്പടെയുള്ള വകുപ്പുകള്‍ ചുമത്തി ഗൗരവകരമായ രീതിയില്‍ കേസെടുക്കണമെന്നും ആശുപത്രി വെല്‍ഫെയര്‍ കമ്മറ്റി ആവശ്യപ്പെട്ടു. നിലവില്‍ ജാമ്യം നല്‍കാവുന്ന വകുപ്പുകള്‍ ചുമത്തിയാണ് പോലിസ് കേസെടുത്തിരിക്കുന്നത്.
സിപിഎം എംപിയും മുന്‍ പാലക്കാട് എംപിയുമായി എം.എന്‍ കൃഷ്ണദാസിന്റെയും സംഘത്തിന്റെയും മര്‍ദ്ദനമേറ്റ ആശുപത്രിയിലെ പുരുഷ നഴ്‌സ് പ്രസാദ് പാലക്കാട് ജില്ല ആശുപത്രിയില്‍ ചികിത്സയിലാണ്.
പാലക്കാട് ജില്ല ആശുപത്രിയിലെ അത്യാഹിത വിഭാഗത്തില്‍ രോഗികളുടെ കൂടെ വന്ന ആളുകള്‍ തിങ്ങി നില്‍ക്കുന്നത് കണ്ട് ആശുപത്രിയിലെ നഴ്‌സായ പ്രസാദ് എല്ലാവരോടും പുറത്ത് പോകാന്‍ ആവശ്യപ്പെട്ടു. ഇതില്‍ പ്രകോപിതനായ എംഎന്‍ കൃഷ്ണദാസ് എംപി താന്‍ മുന്‍എംപിയാണെന്ന് ആക്രോശിച്ച് തല്ലുകയായിരുന്നു. കൂടെയുണ്ടായിരുന്ന മൂന്ന് പേരും സിപിഎം നേതാവിനൊപ്പം ചേര്‍ന്നു.
പാലക്കാട് വിക്ടോറിയ കോളേജില്‍ നടന്ന വിദ്യാര്‍ത്ഥി സംഘട്ടനവുമായി ബന്ധപ്പെട്ട് എസ്എഫ്‌ഐ പ്രവര്‍ത്തകരെ ഈ സമയം അത്യാഹിത വിഭാഗത്തില്‍ കൊണ്ട് വന്നിരുന്നു. ഇതേസമയം ഇവരെ കൂടാതെ പത്തോളം ഗുരുതരാവസ്ഥയിലുള്ള രോഗികളും അത്യാഹിത വിഭാഗത്തിലുണ്ടായിരുന്നു. അല്‍പസമയത്തിനകം കൃഷ്ണദാസും, മറ്റ് ചില രാഷ്ട്രീയക്കാരും ചെറിയ ആ റൂമിലേക്ക് ഇടിച്ച് കയറി വരികയായിരുന്നു. സ്ഥലപരിമിതി മൂലം ഇവരോട് പുറത്തിറങ്ങി നില്‍ക്കാന്‍ പ്രസാദ് ആവശ്യപ്പെട്ടു. ഇതില്‍ പ്രകോപിതനായ സിപിഎം നേതാവ് അയാളെ തല്ലുകയായിരുന്നു. കൂടെയുണ്ടായിരുന്ന മറ്റ പ്രവര്‍ത്തകര്‍ ഇയാളെ ക്രൂരമായ മര്‍ദ്ദിക്കുകയും ചെയ്തുഡോക്ടര്‍ പറയുന്നു.
എംഎല്‍ കൃഷ്ണദാസിനെ ഒഴിവാക്കി കേസെടുക്കാനുള്ള തുടക്കത്തിലെ നീക്കത്തിനെതിരെ പ്രതിഷേധം ഉയര്‍ന്നിരുന്നു.
Discussion about this post